Максім Алегавіч Варабей

Максім Варабей
Максім Варабей
Поўнае імя	Максім Алегавіч Варабей
Нарадзіўся	10 снежня 1995 (28 гадоў); Барысаў, Мінская вобласць, Беларусь;
Грамадзянства	Беларусь
Рост/Вага	183 см / 79 кг
	Медыяфайлы на Вікісховішчы

Максі́м Але́гавіч Варабе́й (нар. 10 снежня 1995, Барысаў) — беларускі біятланіст, удзельнік Кубка свету па біятлоне ў складзе зборнай Беларусі.

Кар’ера правіць

Юніёрская кар’ера правіць

Займаецца біятлонам з 2003 года, асабісты трэнер — Бальшакоў Васіль Вячаслававіч. У міжнародных спаборніцтвах удзельнічае з 2010 года.

Першым буйным турнірам для Вараб’я стаў юніёрскі чэмпіянат свету 2015, які праходзіў у Раўбічах. На гэтым турніры беларускі спартсмен заняў 8 месца ў індывідуальнай гонцы, 16 — у спрынце і 17 — у гонцы пераследвання. У эстафеце Варабей у складзе зборнай Беларусі заняў пятае месца.

На наступным юніёрскім чэмпіянаце, у 2016 годзе ў Кейле-Грэдзішцей, Максім заняў 10 месца ў індывідуальнай гонцы, 9 — у спрынце і чацвёртае — у гонцы пераследвання^[1]. У сезоне 2015/16 спартсмен таксама выступаў у маладзёжным Кубку IBU і атрымаў перамогу на адным з этапаў^[2].

Дарослая кар’ера правіць

У сезоне 2014/15 дэбютаваў на Кубку IBU ў спрынтэрскай гонцы на этапе ў Бейтастолене, дзе заняў 78-е месца. Усяго ў сваім першым сезоне ні разу не змог набраць ачкі ў залік Кубка IBU. У сезоне 2015/16 выступаў нашмат удалей, лепшым вынікам стала шостае месца ў спрынце на этапе ў Рыднаўне.

Дэбютаваў у спаборніцтвах Кубка свету ў лютым 2016 года на этапе ў Кэнмары. У сваёй першай спрынтарскай гонцы, адстраляўшы без промаха, заняў 19-е месца, што дазволіла яму набраць першыя ачкі ў залік Кубка свету^[3].

На Зімовых Алімпійскіх гульнях 2018 года удзельнічаў у індывідуальнай гонцы, заняў 39 месца.

Спартыўная кар’ера правіць

Юніёрскія і маладзёжныя дасягненні правіць

Год	Месца правядзення	Узрост	Інд	Спр	Пр	Эст
2015	ЧС Раўбічы	U19	8	16	17	5
2016	ЧС Чэйле-Градзішцей	U21	10	9	4	-