Максім Аляксандравіч Кіркор

Максім Аляксандравіч Кіркор (нар. 2 кастрычніка 1978, г. Магілёў) — беларускі навуковец у вобласці працэсаў і апаратаў харчовых вытворчасцей. Кандыдат тэхнічных навук (2006), дацэнт (2008).

Максім Аляксандравіч Кіркор
Дата нараджэння	2 кастрычніка 1978(1978-10-02) (44 гады)
Месца нараджэння	Магілёў, Магілёўская вобласць, БССР, СССР
Бацька	Аляксандр Віктаравіч Кіркор[d]
Род дзейнасці	навуковец
Месца працы	Беларускі дзяржаўны ўніверсітэт харчовых і хімічных тэхналогій
Навуковая ступень	кандыдат тэхнічных навук
Альма-матар	Магілёўскі тэхналагічны інстытут (2000)
Цытаты ў Вікіцытатніку

Біяграфія

Сын Аляксандра Віктаравіча Кіркора (нар. 1955). Скончыў у 2000 годзе Магілёўскі тэхналагічны інстытут па спецыяльнасці «Машыны і апараты харчовых вытворчасцей» (кваліфікацыя «Інжынер-механік»), працаваў у яго навукова-даследчым сектары малодшым навуковым супрацоўнікам. У 2003 годзе скончыў аспірантуру Магілёўскага дзяржаўнага ўніверсітэта харчавання. Працаваў ва ўніверсітэце дацэнтам кафедры прыкладной механікі і інжынернай графікі механічнага факультэта, з 2009 — загадчык кафедры.

З 29 верасня 2017 г. рэктар Магілёўскага дзяржаўнага ўніверсітэта харчавання.

Навуковая дзейнасць

Займаецца праблемамі драбнення і класіфікацыі полідысперсных матэрыялаў; цеплавых працэсаў.

Узнагароды

Узнагароджаны стыпендыяй Прэзідэнта Рэспублікі Беларусь (2009).