Вікіпедыя

Максім Сяргеевіч Высоцкі

беларускі футбаліст
(Пасля перасылкі з Максім Высоцкі)
У Вікіпедыі ёсць артыкулы пра іншых асоб з прозвішчам Высоцкі.

Максім Высоцкі (нар. 29 студзеня 1995, Мінск) — беларускі футбаліст, брамнік клуба «Баранавічы».

Футбол
Максім Высоцкі
Поўнае імя Максім Сяргеевіч Высоцкі
Нарадзіўся 29 студзеня 1995(1995-01-29)[1] (29 гадоў)
Грамадзянства  Беларусь
Рост 191 см
Вага 83 кг[2]
Пазіцыя брамнік
Інфармацыя пра клуб
Клуб Беларусь Баранавічы
Нумар 35
Клубная кар’ера[* 1]
2013—2016 Беларусь Мінск 0 (0)
2014 →  Беларусь Мінск-2 18 (-26)
2016 →  Беларусь Тарпеда (Мінск) 3 (-4)
2017 Беларусь Баранавічы 15 (-21)
2017 →  Беларусь Нафтан (Наваполацк) 10 (-21)
2018 Беларусь Дняпро (Магілёў) 13 (-19)
2019 Беларусь Гарадзея 4 (-5)
2020 Беларусь Хімік (Светлагорск) 19 (-34)
2021 Беларусь Смаргонь 5 (-13)
2021 Беларусь Іслач (Мінскі раён) 1 (-4)
2022 Беларусь Белшына (Бабруйск) 5 (-8)
2022—2023 Беларусь Маладзечна 22 (-32)
2024— Беларусь Баранавічы
Нацыянальная зборная[* 2]
2011 Беларусь Беларусь (да 17) 1 (-3)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 красавіка 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 27 жніўня 2017

Клубная кар’ера

правіць

Пачынаў кар’еру ў складзе дубля футбольнага клуба «Мінск», а ў 2014 годзе выступаў за фарм-клуб «Мінск-2» у Першай лізе. Па заканчэнні сезона 2014 «Мінск-2» спыніў існаванне, і Максім вярнуўся ў «Мінск», дзе стаў другім брамнікам пасля Андрэя Клімовіча, аднак на полі так і не з’явіўся. У пачатку 2016 года быў аддадзены ў арэнду мінскаму «Тарпеда», аднак не здолеў замацавацца ў складзе, і, згуляўшы ўсяго ў трох матчах, улетку пакінуў каманду. У другой палове 2016 года не гуляў з-за траўмы.

У пачатку 2017 года далучыўся да «Баранавічаў», дзе здолеў замацавацца ў аснове. У ліпені 2017 года быў аддадзены ў арэнду ў наваполацкі «Нафтан». 31 ліпеня 2017 года дэбютаваў у Вышэйшай лізе, адгуляўшы ўсе 90 хвілін у матчы са «Слуцкам» (1:0). Стаў асноўным брамнікам наваполацкага клуба, толькі ў канцы сезона страціў месца ў складзе. У снежні 2017 года вярнуўся ў «Баранавічы».

У студзені 2018 года перайшоў у магілёўскі «Дняпро»[3]. Пачынаў сезон у якасці асноўнага брамніка, улетку саступіў месца Аляксею Бярэзіну. У снежні 2018 года пакінуў магілёўскі клуб[4].

У студзені 2019 года стаў іграком «Гарадзеі»[5]. На працягу сезона 2019 у асноўным быў другім брамнікам пасля Ігара Даўгялы. У снежні 2019 года па пагадненні бакоў пакінуў «Гарадзею»[6].

У пачатку 2020 года праходзіў прагляд у «Віцебску» і «Смалявічах», аднак сезон пачаў у складзе светлагорскага «Хіміка». Спачатку чаргаваўся на поле з Аўтандзілам Лабадзэ, з верасня трывала заняў месца першага брамніка.

У лютым 2021 года стаў іграком «Смаргоні», дзе быў другім брамнікам пасля Паўла Шчарбачэні. У ліпені 2021 года перайшоў у «Іслач»[7]. Быў рэзервовым брамнікам, згуляў толькі ў матчы апошняга тура супраць «Энергетыка-БДУ» (0:4). У студзені 2022 года па заканчэнні кантракта пакінуў «Іслач»[8]. Неўзабаве стаў трэніравацца з бабруйскай «Белшынай» і ў лютым падпісаў кантракт[9]. Пачынаў сезон 2022 у якасці асноўнага брамніка бабруйчан, але пазней страціў месца ў складзе. У ліпені 2022 года пакінуў «Белшыну»[10].

У жніўні 2022 года далучыўся да «Маладзечна», дзе стаў асноўным брамнікам. У студзені 2023 года некаторы час трэніраваўся з «Астраўцом»[11], аднак неўзабаве падоўжыў кантракт з маладзечанскім клубам[12]. Пакінуў «Маладзечна» ў снежні 2023 года[13].

У красавіку 2024 года стаў іграком «Баранавічаў»[14].

Міжнародная кар’ера

правіць

У верасні 2011 года ў складзе юнацкай зборнай Беларусі прымаў удзел у кваліфікацыйным раўндзе чэмпіянату Еўропы. У 2015 годзе выклікаўся ў моладзевую зборную Беларусі, але так і не згуляў за яе.

Статыстыка выступленняў

правіць
Сезон Дывізіён Клуб Краіна Матчы Галы
2013 дубль Мінск   4 −6
2014 Д2 Мінск-2   18 −26
2015 дубль Мінск   14 −12
2016 (1) Д2 Тарпеда   3 −4
2017 (1) Д2 Баранавічы   15 −19
2017 (2) Д1 Нафтан   10 −21
2018 Д1 Дняпро   13 −19
2019 Д1 Гарадзея   4 −5
2020 Д2 Хімік   19 −34
2021 (1) Д1 Смаргонь   5 −13
2021 (2) Д1 Іслач   1 −4
2022 (1) Д1 Белшына   5 −8
2022 (2) Д2 Маладзечна   12 −15
2023 Д2 Маладзечна   10 −17

Крыніцы

правіць
  1. ↑ Maksim Vysotskiy // Transfermarkt — 2000. Праверана 9 кастрычніка 2017.
  2. ↑ https://www.pressball.by/footballstat/maksim_vysotski/
  3. ↑ Четыре футболиста подписали контракты с клубом (руск.). Афіцыйны сайт магілёўскага «Дняпра» (26 студзеня 2018). Праверана 13 сакавіка 2024.
  4. ↑ 11 футболистов покинули "Днепр" (руск.). football.by (4 снежня 2018). Праверана 13 сакавіка 2024.
  5. ↑ Роман Волков и Максим Высоцкий стали игроками "Городеи" (руск.). football.by (13 студзеня 2019). Праверана 13 сакавіка 2024.
  6. ↑ "Городею" покинули Роман Волков и Максим Высоцкий (руск.). football.by (12 снежня 2019). Праверана 13 сакавіка 2024.
  7. ↑ Максим Высоцкий сменил "Сморгонь" на "Ислочь" (руск.). football.by (30 ліпеня 2021). Праверана 13 сакавіка 2024.
  8. ↑ Четыре игрока покинули "Ислочь" (руск.). football.by (14 студзеня 2022). Праверана 13 сакавіка 2024.
  9. ↑ "Белшина" подписала Высоцкого и продлила контракт с Воловиком (руск.). football.by (7 лютага 2022). Праверана 13 сакавіка 2024.
  10. ↑ Новости. “Минск” теряет (руск.)(недаступная спасылка). pressball.by (25 ліпеня 2022). Архівавана з першакрыніцы 29 ліпеня 2022. Праверана 13 сакавіка 2024.
  11. ↑ Антон Сарока и Дмитрий Алисейко продолжают тренироваться с "Островцом" (руск.). football.by (19 студзеня 2023). Праверана 13 сакавіка 2024.
  12. ↑ Высоцкий и Никопоренок поставили подписи под новыми контрактами с "Молодечно-2018" (руск.). football.by (27 студзеня 2023). Праверана 13 сакавіка 2024.
  13. ↑ У ряда игроков «Молодечно» закончились сроки действия контрактов (руск.)(недаступная спасылка). bel.football (7 снежня 2023). Архівавана з першакрыніцы 13 сакавіка 2024. Праверана 13 сакавіка 2024.
  14. ↑ "Орша" Булыги и Тамело, "Барановичи" Высоцкого, "Макслайн" Гольмака (руск.). football.by (5 красавіка 2024). Праверана 9 красавіка 2024.
Узята з "https://be.wikipedia.org/w/index.php?title=Максім_Сяргеевіч_Высоцкі&oldid=4797788"