Макс Вебер (мастак)

Макс Вебер (англ.: Max Weber; 18 красавіка 1881 — 4 кастрычніка 1961) — польска-амерыканскі жывапісец яўрэйскага паходжання, які працаваў у стылі кубізму.

Макс Вебер
Дата нараджэння	18 красавіка 1881(1881-04-18)[…]
Месца нараджэння	Беласток, Беластоцкі павет, Гродзенская губерня, Літоўскае генерал-губернатарства, Расійская імперыя
Дата смерці	4 кастрычніка 1961(1961-10-04)[…] (80 гадоў)
Месца смерці	Грэйт-Нек[d], акруга Насо[d], Нью-Ёрк, ЗША
Грамадзянства	ЗША  Польшча
Род дзейнасці	мастак, скульптар, пісьменнік, рысавальнік
Вучоба	Інстытут Прата[d] Акадэмія Маціса[d]
Мастацкі кірунак	экспрэсіянізм і кубізм
Уплыў	Артур Уэслі Доў[d]
Уплыў на	Нінке Схеперс[d]
Член у	Амерыканская акадэмія мастацтваў і літаратуры[d]
Медыяфайлы на Вікісховішчы

Біяграфія

Нарадзіўся ў Беластоку. Ва ўзросце 10 гадоў эміграваў з бацькамі ў ЗША. Вывучаў мастацтва ў Інстытуце Прата ў Брукліне ў Артура Уізлі Доу.

У 1905 годзе Вебер назапасіў дастаткова грошай, каб паехаць у Парыж і вучыцца там у Акадэміі Жуліяна, Акадэміі Каларосі і Гранд-Шам’ер. У 1908 годзе навучаўся таксама ў парыжскай Школе Маціса. У гэты перыяд ён наведваў салон Гертруды Стайн і быў блізкім сябрам Анры Русо. На яго творчасць вялікі ўплыў аказалі працы Пікасо і Брака.

У 1909 годзе ён вярнуўся ў ЗША, дзе зблізіўся з нью-ёркскімі авангардыстамі і выстаўляўся ў Галерэі 291 Альфрэда Стыгліца. У перыяд з 1909 па 1917 год ён стварыў многія з лепшых сваіх твораў (пераважна гарадскія краявіды, у якіх імкнуўся перадаць рух і бурны рытм амерыканскага жыцця). У шэрагу прац адчуваецца ўплыў кубізму і фавізму.

Пасля 1917 жывапіс Вебера эвалюцыянаваў у бок фігуратыўнасці, хоць ён працягваў эксперыменты з колерам і формай. У апошнія 20 гадоў жыцця ў яго творчасці значнае месца займала яўрэйская (у прыватнасці, хасідская) тэматыка.

Творчасць Вебера аказала вялікі ўплыў на раннія працы Марка Роткі, які быў яго вучнем.