Марак Бэлька

Марак Бэлька (польск.: Marek Marian Belka; нар. 9 студзеня 1952 года ў Лодзі) — польскі эканаміст, навуковец, палітык і дзяржаўны дзеяч. Двойчы віцэ-прэм'ер і міністр фінансаў (у 1997 і 2001-2002 гадах), з мая 2004 года па кастрычнік 2005 года — прэм'ер-міністр Польшчы.

Марак Бэлька
польск.: Marek Belka
Прэм’ер-міністр Польшчы 2 мая 2004 — 31 кастрычніка 2005
Папярэднік	Лешак Мілер
Пераемнік	Казімеж Марцінкевіч
дэпутат Еўрапейскага парламента з 2 ліпеня 2019
Міністр фінансаў Польшчы[d] 4 лютага 1997 — 31 кастрычніка 1997
Міністр фінансаў Польшчы[d] 19 кастрычніка 2001 — 6 ліпеня 2002
Нараджэнне	9 студзеня 1952(1952-01-09)[…] (71 год) Лодзь, Лодзьскае ваяводства, Польская Народная Рэспубліка
Партыя	Саюз дэмакратычных левых сіл Дэмакратычная партыя[d] ПАРП
Адукацыя	Лодзінскі ўніверсітэт Лонданская школа эканомікі і палітычных навук Калумбійскі ўніверсітэт Агульнаадукацыйны ліцэй №4 у Лодзі[d]
Навуковая ступень	навуковы прафесар[d] (14 студзеня 1994)
Дзейнасць	эканаміст, палітык, банкір
Месца працы	Лодзінскі ўніверсітэт
Узнагароды	Ганаровы доктар Патсдамкага ўніверсітэта[d] (16 ліпеня 2008)
Медыяфайлы на Вікісховішчы

Біяграфія

Атрымаў адукацыю ў Лодзінскім універсітэце, які скончыў у 1972 годзе, пазней працягнуў навучанне ў Калумбійскім універсітэце, Чыкагскім універсітэце і Лонданскай школе эканомікі. У часы Польскай Народнай Рэспублікі дзеяч Аб'яднання польскіх студэнтаў, Саюза сацыялістычнай польскай моладзі і сакратар Камітэту ВНУ ў Лодзінскім універсітэце, дзе працаваў выкладчыкам.

Кансультант міністэрства фінансаў Польшчы ў 1990-1996 гадах. Міністр фінансаў Польшчы ў 1997 годзе ва ўрадзе Уладзімежа Цімашэвіча. Памочнік прэм'ер-міністра Албаніі ў 1997—2001 гадах. Ізноў міністр фінансаў Польшчы ў 2001—2002 ва ўрадзе Лешака Мілера. Дарадца-кансультант ва ўсходнееўрапейскім аддзяленні банку "JP Morgan" у 2002-2003. Адказны супрацоўнік часовай адміністрацыі Ірака ў 2003-2004 гадах.

Прэм'ер-міністр Польшчы ў 2004-2005 гадах. Кандыдатура Марэка Белькі сустрэла жорсткае супраціўленне ў Сейме з-за выразнай праеўрапейскай пазіцыі палітыка, і калі прэзідэнт Аляксандр Квасьнеўскі ў першы раз даручыў яму фармаванне ўрада, парламент толькі з трэцяй спробы зацвердзіў яго на гэтай пасадзе. У 2005 годзе ўступіў у ліберальную Дэмакратычную партыю, але не быў абраны ў парламент.

Выканаўчы сакратар Еўрапейскай эканамічнай камісіі ААН у 2006-2008 гадах. У 2007 годзе кандыдатура Марэка Белькі была прапанавана польскім урадам на пасаду выканаўчага сакратара МВФ, але не сустрэла належнай падтрымкі. Дырэктар Еўрапейскага дэпартамента МВФ з 2008 года.

У 2010-2016 гадах — прэзідэнт Нацыянальнага банка Польшчы.

У 2019 годзе быў абраны дэпутатам у Еўрапейскі парламент.