Маркус Клінгберг
Маркус Клінгберг (7 кастрычніка 1918, г. Варшава, Польшча — 30 лістапада 2015, г. Парыж, Францыя) — савецкі шпіён у Ізраілі, быў галоўным інфекцыяністам БССР.
Маркус Клінгберг | |
---|---|
Дата нараджэння | 7 кастрычніка 1918[1][2][…] |
Месца нараджэння | |
Дата смерці | 30 лістапада 2015[3][4] (97 гадоў) |
Месца смерці | |
Месца пахавання | |
Грамадзянства | |
Дзеці | Sylvia Klingberg[d] |
Род дзейнасці | эпідэміёлаг, выкладчык універсітэта, разведчык, афіцэр, урач |
Навуковая сфера | эпідэміялогія |
Месца працы | |
Альма-матар | |
Узнагароды |
Біяграфія правіць
Вучыўся ў Варшаўскім універсітэце. У пачатку Другой сусветнай перабраўся ў СССР, у Мінск, і скончыў Мінскі медінстытут.
22 чэрвеня 1941 года ўступіў у Чырвоную Армію, удзельнічаў у Вялікай Айчыннай вайне, атрымаў званне капітана медыцынскай службы, быў паранены. У 1943 годзе скончыў у Маскве аспірантуру па інфекцыйных захворваннях і пасля вызвалення часткі Беларусі ў 1943 годзе быў прызначаны галоўным інфекцыяністам БССР.
Па заканчэнні вайны вярнуўся ў Польшчу, дзе даведаўся, што ўся яго сям’я і родныя загінулі ў Трэблінцы. Некаторы час працаваў у міністэрстве аховы здароўя Польшчы ў якасці намесніка галоўнага інфекцыяніста. У 1948 годзе з жонкай Вандай прыехаў у Ізраіль.
Справа Клінгберга правіць
У 1983 годзе быў арыштавалі, абвінаваціўшы ў рабоце на КДБ цягам папярэдніх 30 гадоў. На той момант быў намеснікам дырэктара звышсакрэтнага інстытута біялагічных даследаванняў у Нес-Цыёне, а таксама прафесарам эпідэміялогіі ў Тэль-Авіўскім універсітэце. У прыватнасці, ён перадаваў Савецкаму Саюзу інфармацыю пра тое, якую дзейнасць вядзе Ізраіль у галіне хімічнай і біялагічнай зброі.
Па словах самога вучонага, ён працаваў на СССР па ідэалагічных меркаваннях, а таксама ў падзяку за перамогу над нацыстамі.
Клінгберга прысудзілі да 20 гадоў турмы, пры гэтым, як удакладняе выданне, палову тэрміну ён правёў у адзіночнай камеры. Пасля вызвалення ў 2003 годзе яму дазволілі з’ехаць да дачкі і ўнука ў Парыж[5].
Зноскі
- ↑ PubMed — 1997. Праверана 2 снежня 2015.
- ↑ Marcus Klingberg // Encyclopædia Britannica Праверана 9 кастрычніка 2017.
- ↑ Library of Congress Authorities — Library of Congress. Праверана 14 лістапада 2020.
- ↑ а б в Fichier des personnes décédées Праверана 4 чэрвеня 2023.
- ↑ Памёр самы вядомы савецкі шпіён у Ізраілі, які быў галоўным інфекцыяністам БССР