Марк Эмануілавіч Шнейдэрман

Марк Эмануілавіч Шнейдэрма́н (16 сакавіка 1898, г. Жытомір, Украіна — 15 чэрвеня 1981) — беларускі дырыжор, кампазітар, педагог. Заслужаны дзеяч мастацтваў БССР (1940).

Марк Эмануілавіч Шнейдэрман
укр.: Марк Эмануілавіч Шнейдэрма́н
Дата нараджэння	16 сакавіка 1898(1898-03-16)
Месца нараджэння	Жытомір, Жытомірскі павет, Валынская губерня, Расійская імперыя
Дата смерці	15 чэрвеня 1981(1981-06-15) (83 гады)
Краіна	Расійская імперыя  СССР
Альма-матар	Санкт-Пецярбургская дзяржаўная кансерваторыя імя М. А. Рымскага-Корсакава
Месца працы	Нацыянальны акадэмічны Вялікі тэатр оперы і балета Рэспублікі Беларусь Дзяржаўны акадэмічны сімфанічны аркестр Рэспублікі Беларусь Беларуская дзяржаўная акадэмія музыкі
Музычная дзейнасць
Прафесіі	кампазітар, дырыжор, педагог

Біяграфія

Скончыў у 1930 годзе Ленінградскую кансерваторыю, клас М. Малько, А. Гаўка. З 1935 (з перапынкамі) дырыжор Дзяржаўнага тэатра оперы і балета Беларусі. У 1947—1957 гадах мастацкі кіраўнік і галоўны дырыжор сімфанічнага аркестра Беларускай філармоніі. Адначасова ў 1936—1971 гадах (з перапынкамі) выкладаў у Беларускай кансерваторыі.

Творчасць

На беларускай сцэне пад яго музычным кіраўніцтвам пастаўлены опера «Міхась Падгорны» Я. Цікоцкага, балет «Салавей» М. Крошнера (абодва 1939) і інш. Аўтар музыкі для сімфанічнага аркестра, у т.л. уверцюры (1939), п’ес для фартэпіяна з аркестрам (1953), для аркестра беларускіх народных інструментаў (1939), песень, балад, рамансаў, музыкі для дзяцей, апрацовак беларускіх народных песень і інш.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).