Марыс Піён

Марыс (Маўрыцы) Піён (Pion, 11 верасня 1801, Парыж — 14 лютага 1869) — польскі танцоўшчык, балетмайстар, тэатральны дзеяч.

Марыс Піён
Дата нараджэння	11 верасня 1801
Месца нараджэння	Парыж
Дата смерці	14 лютага 1869

Біяграфія

Творчую дзейнасць пачаў у Парыжы. Працаваў у Польшчы і на Беларусі.

У 1818—1843 гадах першы танцоўшчык, балетмайстар і дырэктар «Тэатра Нарадовага»; адначасова з 1832 года — кіраўнік балетнай школы ў Варшаве.

У 1843 годзе стварыў уласную балетную трупу, гастраліраваў з ёю ў розных гарадах, у т.л. ў Вільні, Магілёве, Мінску.

Стваральнік і кіраўнік Віцебскага балета Піёна. Ставіў балеты на музыку кампазітараў Ю.Дамсе, К.Курпінскага, Ю.Эльснера.

У 1852—1856 гадах працаваў дырэктарам тэатра ў Кіеве, з 1868 года — выкладчык балетнай школы ў Варшаве.

Літаратура

• Марыс Піён // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.