Марыя Ганна Іспанская

Марыя Ганна Іспанская (ісп.: María Ana de España; 18 жніўня 1606, Эскарыял — 13 мая 1646, Лінц) — іспанская інфанта, першая жонка Фердынанда III, імператара Свяшчэннай Рымскай імперыі і караля Венгрыі.

Марыя Ганна Іспанская
ісп.: María Ana de España
імператрыца Свяшчэннай Рымскай імперыі 1637 — 1646
Папярэднік	Элеанора Ганзага
Пераемнік	Марыя Леапальдзіна, эрцгерцагіня Аўстрыйская
Нараджэнне	18 жніўня 1606(1606-08-18) ці 1606 Эскарыял
Смерць	13 мая 1646(1646-05-13) Лінц, Эрцгерцагства Аўстрыі над Энс[d], Свяшчэнная Рымская імперыя
Месца пахавання	Імператарскі склеп
Род	Род Габсбургаў
Бацька	Філіп III Іспанскі
Маці	Маргарыта Аўстрыйская
Муж	Фердынанд III Габсбург
Дзеці	Фердынанд IV Габсбург, Марыяна Аўстрыйская[d], Леапольд I Габсбург, Філіп Аўгуст Габсбург[d], Максіміліян Томас Габсбург[d] і Марыя Габсбург[d]
Веравызнанне	каталіцтва
Дзейнасць	валадарная каралева
Узнагароды	Залатая Ружа[d]
Марыя Ганна Іспанская на Вікісховішчы

Бацькі

Марыя Ганна была малодшай дачкой іспанскага караля Філіпа III і Маргарыты Аўстрыйскай. Малодшая сястра Ганны Аўстрыйскай і Філіпа IV. Старэйшая сястра кардынала-інфанта Фердынанда.

Шлюб

Напачатку 1620-х гадоў Якаў I разглядаў Марыю Ганну як магчымую нявесту для свайго сына і спадчынніка Карла I. Карл I нават наведаў Мадрыд, каб сустрэцца з ёй. Аднак паколькі Карл I адмовіўся прыняць каталіцызм, а Марыя Ганна адмовілася выйсці замуж за ератыка, гэты саюзы не мог адбыцца.

20 лютага 1631 года Марыя Ганна выйшла замуж за свайго кузена, будучага імператара Фердынанда III, ад якога ў яе было 6 дзяцей.

Дзеці

• Фердынанд IV (8 верасня 1633 — 9 ліпеня 1654).
• Марыяна Аўстрыйская (23 снежня 1634 — 16 мая 1696), жонка іспанскага караля Філіпа IV. Іх сын, Карл II — апошні з Габсбургаў на іспанскім прастоле.
• Філіп Аўгуст, эрцгерцаг Аўстрыі (1637—1639).
• Максіміліян Томас, эрцгерцаг Аўстрыі (1638—1639).
• Леапольд I (9 чэрвеня 1640 — 5 мая 1705), імператар Свяшчэннай Рымскай імперыі
• Марыя Аўстрыйская (1646)