Мастацка-графічны факультэт ВДУ імя П. М. Машэрава

Мастацка-графічны факультэт ВДУ імя П. М. Машэрава — адзін з факультэтаў Віцебскага дзяржаўнага ўніверсітэта імя П. М. Машэрава.

Мастацка-графічны факультэт ВДУ імя П. М. Машэрава
Віцебскі дзяржаўны ўніверсітэт імя П. М. Машэрава
Заснаваны	18 ліпеня 1959
Адрас	210038, г. Віцебск, Маскоўскі праспект, 33/2

Апісанне

Гісторыя факультэта пачынаееца з 1918 года, калі ў горадзе было адкрыта Віцебскае народнае мастацкае вучылішча. Назва навучальнай установы неаднаразова змянялася: Віцебскія вольныя дзяржаўныя мастацкія майстэрні (чэрвень 1920 — канец 1921 гадоў); Віцебскі мастацка-практычны інстытут (канец 1921 — жнівень 1923 гадоў). Восенню 1923 года адкрыўся Віцебскі мастацкі тэхнікум, які ў сярэдзіне 1930-х гадоў быў пераўтвораны ў Віцебскае мастацкае вучылішча. З 1949 года гэта ўжо Віцебскае мастацка-графічнае педагагічнае вучылішча.

Загадам № 115 ад 18 ліпеня 1959 года Міністэрства асветы БССР 1 верасня 1959 года на базе Віцебскага мастацка-графічнага педагагічнага вучылішча быў арганізаваны факультэт.

Кафедры

• кафедра выяўленчага мастацтва;
• кафедра дэкаратыўна-прыкладнога мастацтва і тэхнічнай графікі
• кафедра дызайну;
• кафедра педагогікі.

Спецыяльнасці

• Выяўленчае мастацтва і камп’ютарная графіка;
• Выяўленчае мастацтва, маляванне і народныя мастацкія промыслы;
• Дызайн (прадметна-прасторавага асяроддзя).

Дэканы

• Сямён Іванавіч Губарэвіч (1961—1963)
• Мікалай Мікалаевіч Шкут (1980—1985)
• Валянцін Пятровіч Клімовіч (1986—2009)
• Дзмітрый Сцяпанавіч Сянько (2010—2015)
• Юлія Пятроўна Бежанар (2015—2018)
• Алена Алегаўна Сакалова (з 2020)