Мас-старт (біятлон)

Мас-старт (або го́нка з агу́льнага ста́рту) — від біятлоннай гонкі на 15 км у мужчын, 12,5 км у жанчын і юніёраў, 10 км у юніёрак і юнакоў, і 7,5 км у дзяўчат з чатырма агнявымі рубяжамі. Яна складаецца з пяці кругоў па 3 км у мужчын, 2,5 км у жанчын і юніёраў, 2 км у юніёрак і юнакоў, і 1,5 км у дзяўчат.

Мужчынскі мас-старт на зімовых Алімпійскіх гульнях 2010 года

Гісторыя правіць

Мас-старт — адзін з самых маладых відаў біятлонных гонак. На зімовых Алімпійскіх гульнях мас-старты ўпершыню прайшлі ў 2006 годзе. Першым алімпійскім чэмпіёнам у мас-старце стаў нямецкі біятланіст Міхаэль Грайс, а першай алімпійскай чэмпіёнкай — шведская біятланістка Ганна-Карын Улафсан-Зідэк. У праграму чэмпіянатаў свету гонка з агульнага старту была ўключана ў 1999 годзе. Першым чэмпіёнам свету на гэтай дыстанцыі стаў нямецкі біятланіст Свен Фішэр, а першай чэмпіёнкай свету — украінская біятланістка Алена Зубрылава[1]. На этапах Кубка свету мас-старт упершыню быў праведзены на апошнім восьмым этапе сезона 1996/1997 ў Новасібірску[2][3]. Гэтую гонку тады выйгралі аўстрыйскі біятланіст Вольфганг Пернер і расійская біятланістка Ганна Волкава.

Рэгламент гонкі правіць

Біятланісты (як правіла — 30 лепшых спартсменаў у рамках тых ці іншых біятлонных спаборніцтваў) стартуюць адначасова з агульнага старту. Першая і другая стральба — лежачы, трэцяя і чацвёртая — стоячы. Біятланісты займаюць месца на агнявых рубяжах у адпаведнасці з парадкам прыходу на стрэльбішча (на першым — у адпаведнасці з парадкам стартавага нумару). За кожны промах прадугледжана праходжанне штрафнога круга, роўнага 150 м.

Пачынаючы з Кубка свету 2011/12 уступаюць у сілу новыя правілы па допуску спартсменаў да мас-старту. Калі раней дапускаліся 30 лепшых спартсменаў агульнага заліку Кубка свету, то цяпер да гонцы дапускаюць 25 спартсменаў згодна з агульным залікам Кубка свету, а таксама 5 спартсменаў, якія не ўваходзяць у гэты лік, але якія набралі найбольшую колькасць ачкоў за бягучы этап. На Алімпійскіх гульнях і чэмпіянатах свету ў мас-старце удзельнічаюць усе прызёры бягучых Гульняў (чэмпіянату) у спрынце, гонцы пераследу і індывідуальнай гонцы, 15 лепшых у агульным заліку Кубка свету, астатнія (ад 6 да 15 чалавек) дабіраюцца па набраных ачках на бягучых Алімпійскіх гульнях (чэмпіянаце свету).

У Кубку свету вядзецца асобны залік па гэтай дысцыпліне. Па вынікам сезона пераможцы сярод мужчын і жанчын атрымліваюць Малы крыштальны глобус.

Тэрмін «мас-старт» ужываецца і да лыжных гонкаў, калі ўсе ўдзельнікі стартуюць адначасова.

Зноскі

  1. У 2002 годзе Алена Зубрылава змяніла ўкраінскае грамадзянства на беларускае.
  2. Мужчыны и жанчыны
  3. Дыстанцыя першых гонак з агульнага старту ў рамках Кубка свету (сезон 1996/1997) склала 10 км у мужчын і 7,5 км у жанчын.