Махамат Дэбі Ітна
Махамат Ідрыс Дэбі Ітна (фр.: Mahamat Idriss Déby Itno; нар. 1 студзеня 1984, Чад) — дзяржаўны і ваенны дзеяч Чада. Старшыня пераходнага ваеннага савета[3], а затым часовы прэзідэнт краіны. Раней быў намеснікам камандуючага ўзброеных сіл падчас чадскай інтэрвенцыі ў Паўночнае Малі. Сын забітага прэзідэнта Чада Ідрыса Дэбі.
| Махамат Ідрыс Дэбі Ітна | |||||||
|---|---|---|---|---|---|---|---|
| фр.: Mahamat Idriss Déby Itno | |||||||
.jpg) | |||||||
|
|||||||
| Папярэднік | пасада заснавана ён жа, як старшыня Пераходнага ваеннага савета |
||||||
|
|||||||
| Папярэднік | пасада заснавана Ідрыс Дэбі, як прэзідэнт Чада |
||||||
| Пераемнік | пасада скасавана ён жа, як часовы прэзідэнт |
||||||
| Нараджэнне |
1 студзеня 1984[1] (39 гадоў) |
||||||
| Бацька | Ідрыс Дэбі | ||||||
| Жонка | Aisha Mahamat Idriss Deby Itno[d] | ||||||
| Партыя | |||||||
| Дзейнасць | ваенны | ||||||
| Род войскаў | Узброеныя сілы Чада | ||||||
| Званне | Генерал арміі[2] | ||||||
| Бітвы | Другая грамадзянская вайна ў Чадзе, Чадская інтэрвенцыя ў Паўночнае Малі, Наступленне на поўначы Чада | ||||||
 Медыяфайлы на Вікісховішчы | |||||||
БіяграфіяПравіць
Паступіў у Аб’яднаную групу ваенных вучэльняў у Чадзе. Пасля прайшоў навучанне ў Францыі, у ваеннай школе Экс-ан-Правансе. Па вяртанні працаваў у Службе бяспекі дзяржаўных устаноў на пасадзе намесніка камандзіра групы інфантэрыі. Першы баявы вопыт атрымаў у красавіку 2006 года, калі паўстанцы напалі на сталіцу Чада, а затым удзельнічаў у баявых дзеяннях на ўсходзе краіны разам з генералам Абу Бакрам аль-Саідам, начальнікам жандармерыі. Пасля заканчэння кампаніі Махамату Дэбі было прысвоена званне маёра. Кіраваў войскамі падчас бітвы пры Ам-Даме, дзе атрымаў перамогу над паўстанцамі.
Затым прызначаны камандуючым бранятанкавага падраздзялення. У студзені 2013 года стаў намеснікам камандзіра чадскіх Узброеных Сіл у Малі пад камандаваннем генерала Умара Бікіма. 22 лютага 2013 года кіраваў войскамі ў бітве супраць паўстанцаў у гарах Адрар-Іфарас на поўначы Малі. База паўстанцаў была ліквідавана, вораг панес цяжкія страты, але пры гэтым 26 чадскіх салдат загінулі, у тым ліку Абдэль Азіза Хасана Адама, камадзір спецназа. Махамат узяў на сябе поўнае кіраўніцтва чадскімі войскамі ў Малі і кіраваў аперацыямі супраць паўстанцаў на поўначы[4].
Пасля гібелі бацькі ад рук паўстанцаў «Фронту перамен і згоды ў Чадзе» 20 красавіка 2021 года, камандуючыя ўзброенымі сіламі зрабілі заяву, што выбраны ўрад і парламент Чада распушчаны, створаны пераходны ваенны савет на чале з Махаматам Дэбі, што будзе кіраваць краінай на працягу 18 месяцаў[5].
10 кастрычніка 2022 года пасля «нацыянальнага дыялогу» Дэбі быў прызначаны часовым прэзідэнтам[6][7][8].
Зноскі
- ↑ https://presidence.td/portrait/ Праверана 21 красавіка 2021.
- ↑ https://presidence.td/declaration-du-conseil-militaire/
- ↑ [1]
- ↑ Le général Mahamat Idriss Déby Itno, 29 ans et fils d'idriss Deby, commande la force tchadienne au Mali(недаступная спасылка). bamada.net. Архівавана з першакрыніцы 8 кастрычніка 2013. Праверана 20 чэрвеня 2013 года.
- ↑ Chad's President Idriss Déby dies 'in clashes with rebels'. BBC News.
- ↑ Junta set to stay in power after Chad delays elections by two years, Reuters (2 October 2022).
- ↑ Chadian junta leader Mahamat Deby sworn in as President, The East African (10 October 2022).
- ↑ Chad Ruler Raises Hackles with Drawn-Out 'Transition', Agence France-Presse (12 October 2022).