Маха Вачыралангкорн
Маха Вачыралангкорн (тайск.: มหาวชิราลงกรณ, máhǎː wáʨʰíraːloŋkɔːn[3], нар. 28 ліпеня 1952) — кароль Тайланда з дынастыі Чакры, абвешчаны 29 лістапада 2016 года, але пакуль яшчэ не каранаваны. Адзіны сын караля Пхуміпона Адульядэта, які памёр 13 кастрычніка 2016 года. Каранацыя Рамы X адбудзецца толькі пасля пахавання яго бацькі, крэмацыя якога можа адбыцца не раней, чым восенню 2017 года[4].
Біяграфія правіць
З 1972 года поўны тытул — Самдэт Пхра Барома Орасатхірат Чао Фан Маха Ватчыралангкорн Саям Макутрачакуман (тайск. สมเด็จพระบรมโอรสาธิราช เจ้าฟ้ามหาวชิราลงกรณ สยามมกุฎราชกุมาร — Яго каралеўская высокасць кронпрынц Маха Вачыралангкорн, наследнік прастола).
Пачатковую адукацыю атрымаў у Бангкоку. Потым быў адпраўлены на навучанне ў Вялікабрытанію і Аўстралію. У 1976 годзе скончыў каралеўскі ваенны каледж у Канберы (Аўстралія), дзе атрымаў адукацыю ваеннага лётчыка.
Служыў у якасці афіцэра штаба ў Кіраўніцтве ваеннай разведкі, а ў 1978 годзе быў прызначаны камандзірам батальёна, потым палка асабістай гвардыі караля.
У 1970-х гадах у складзе лётнага палка ваяваў на поўначы Тайланда супраць камуністычных паўстанцаў і ўдзельнічаў у ваенных аперацыях супраць в’етнамскіх партызан ля межаў Камбоджы.
З’яўляецца кваліфікаваным ваенным лётчыкам і пілотам верталёта.
Абвешчаны каралём Тайланда 29 лістапада 2016 года.
Кароль Тайланда правіць
Кароль Пхуміпон Адульядэт прызначыў свайго адзінага сына наследнікам прастола спецыяльным дэкрэтам ад 28 снежня 1972 года. Ён стаў першым з 1935 года каралём, які нарадзіўся на тэрыторыі краіны, паколькі Пхуміпон Адульядэт нарадзіўся ў ЗША, Ананда Махідол (гады праўлення: 1935—1946) — у Германіі.
Пасля смерці Пхуміпона Адульядэта 13 кастрычніка 2016 года Маха Вачыралангкорн стаў наступным каралём Тайланда[4]. Наследны прынц папрасіў адтэрміноўку ў абвяшчэнні яго каралём, каб захаваць жалобу. Прэм Цінсуланон быў рэгентам Тайланда[5] да 29 лістапада, калі Маха Вачыралангкорн быў абвешчаны каралём[4]. Каранацыя Рамы X чакаецца восенню 2017 года[4].
Сярод іншых прэтэндэнтаў на прастол некаторымі крыніцамі называлася дачка караля Рамы IX — прынцэса Маха Чакры Сірындхорн . Па супярэчлівых паведамленнях СМІ, незразумела, ці дазваляе Канстытуцыя краіны перадаць трон жанчыне[6][7][8].
Зноскі
- ↑ Maha Vajiralongkorn // Brockhaus Enzyklopädie Праверана 9 кастрычніка 2017.
- ↑ Maha Vajiralongkorn // Munzinger Personen Праверана 9 кастрычніка 2017.
- ↑ Вымаўленне імя, Jim Tedder, Voice of America
- ↑ а б в г "В Таиланде провозгласили нового короля". ТАСС. Праверана 2016-11-29.
- ↑ "Profile: Thai regent Prem Tinsulanonda" [англійская]. BBC. 15 October 2016. Праверана 2016-10-27.
- ↑ Каралевы не будзе: трон у Тайландзе можа заняць толькі мужчына, 13 кастрычніка 2016: "так як па канстытуцыі манархам краіны можа быць толькі мужчына.
- ↑ Канстытуцыя Каралеўства Тайланд ад 24 жніўня 2007 года (недействующая рэдакцыя) — Артыкул 23 — "…З гэтай мэтай можа быць прадстаўлена імя прынцэсы.
- ↑ Чарнавік рэдакцыі 2016 года Архівавана 16 жніўня 2016., неафіцыйны пераклад на англійскую: "Section 21 .
Спасылкі правіць
- Handley, Paul M. (2006). The King Never Smiles. Yale University Press.
- Thai king's death: Who holds power now? (16 кастрычніка 2016). Праверана 16 кастрычніка 2016.
- Crown Prince Maha Vajiralongkorn / Globalsecurity.org (англ.)(англ.)