Метэаралогія

Метэаралогія (ад грэч. μετέωρος, metéōros, атмасферныя і нябесныя з’явы) — навука аб будове і ўласцівасцях зямной атмасферы, а таксама фізічных працэсах, што развіваюцца ў ёй. Яна вывучае склад, шчыльнасць, тэмпературу і вільготнасть паветра, прамянёвую энергію, рух і трансфармацыю паветраных мас, хмары, ападкі, ураганы, прымаразкі, засухі і іншыя з’явы, якія адбываюцца ў паветранай абалонцы Зямлі ва ўзаемадзеянні з подсцільнай паверхняй.

Метэаралагічныя назіранні

Асноўным метадам даследавання, што ўжываецца ў метэаралогіі, з’яўляюцца назіранні, вымярэнні і якасная ацэнка атмасферных працэсаў. Гэтыя працэсы адрозніваюцца зменлівасцю ў часе і прасторы, маюць складаны характар узаемадзеяння з зямной паверхняй і касмічным асяроддзем. У кожны момант часу яны разгортваюцца над усёй тэрыторыяй зямнога шара, што патрабуе адпаведнай арганізацыі назіранняў за станам атмасферы.

Метэаралагічная станцыя ў Аўстраліі

Ва ўсім свеце арганізавана сетка гідраметэаралагічных назіранняў, якая дазваляе бесперанынна сачыць за станам атмасферы на зямным шары ля паверхні зямлі і на розных вышынях. Гэта сетка складаецца з вялікай колькасці гідраметэаралагічных станцый, якія праводзяць рэгулярныя назіранні па адзінай глабальнай праграме пры дапамозе аднатыпных прыбораў.

Метэаралагічныя прыборы

Сучасная гідраметэаралагічная служба выкарыстоўвае разнастайныя прыборы, якія прызначаны для вымярэння і рэгістрацыі фізічных характарыстык зямной атмасферы і подсцільнай паверхні.

Раздзелы метэаралогіі

• фізіка атмасферы
• хімія атмасферы
• дынамічная метэаралогія
• сінаптычная метэаралогія і кліматалогія
• біялагічная метэаралогія

Асноўныя аб’екты даследавання

• склад атмасферы
• будова атмасферы
• цеплавы рэжым атмасферы
• вільгацеабмен у атмасферы
• агульная цыркуляцыя атмасферы
• электрычныя палі
• аптычныя і акустычныя з’явы.

Тэхнічныя сродкі

• Метэастанцыя
• Метэазонд
• Метэаралагічная ракета
• Дыстанцыйнае зандаванне Зямлі

Гл. таксама

• цыклоны
• антыцыклоны
• тэмпература паветра
• вільготнасць
• воблачнасць
• вятры

Літаратура

• Каўрыга П. Лабараторны практыкум па метэаралогіі і кліматалогіі: Вучэб. дапам. — Мн.: Ураджай, 1997. — 151 с.: іл. — ISBN 985-04-0231-8.
• Каўрыга П. Метэаралогія і кліматалогія: беларуска-руска-англійскі даведнік. — Мн., 2011. — 312 с. — ISBN 978-985-6981-86-2.
• Метэарало́гія // Геаграфічныя паняцці і тэрміны: Энцыклапедычны даведнік / Беларус. Энцыкл.; Рэдкал.: М. М. Курловіч і інш. — Мн.: БелЭн, 1993. — С. 192. — 333 с. — (Энцыкл. б-чка школьніка). — 14 000 экз. — ISBN 5-85700-085-8.
• Сидоров В. В. Метеорология и климатология: учебное пособие / В. В. Сидоров. — Екатеринбург: ГОУ ВПО УГТУ-УПИ, 2006. — 146 с. — 100 экз. — ISBN 5-321-00894-9. (руск.)
• Кислов А. В. Климатология: учебник для студ. учреждений высш. проф. образования / А. В. Кислов. — М.: Издательский центр «Академия», 2011. — 224 с., [16] с. цв. ил.: ил. — ISBN 978-5-7695-6223-5. (руск.)
• Климатология и метеорология: учебное пособие по курсу «Науки о Земле» для студентов, обучающихся по специальности 28020265 «Инженерная защита окружающей среды» / Сост. В. А. Михеев. — Ульяновск: УлГТУ, 2009. — 114 с. — 100 экз. — ISBN 978-5-9795-0533-6. (руск.)
• Метеорология // Галай И. П. География: термины и понятия: словарь для учащихся и абитуриентов / И. П. Галай, Е. И. Галай. — Мн.: Белакртография, 2011. — С. 105. — 223 с. — 1 000 экз. — ISBN 978-985-508-082-5. (руск.)

Спасылкі

• На Вікісховішчы ёсць медыяфайлы па тэме Метэаралогія