Мод Уэльская (англ.: Maud of Wales; поўнае імя англ.: Maud Charlotte Mary Victoria; 26 лістапада 1869 — 20 лістапада 1938) — першая за 600 гадоў каралева Нарвегіі як самастойнай дзяржавы, малодшая дачка брытанскага караля Эдуарда VII і Аляксандры Дацкай, жонка нарвежскага караля Хокана VII. Стрыечная сястра Мікалая II. Яе імем названы карабель Амундсена і вялікая частка Антарктыды.

Мод Вялікабрытанская
Maud Charlotte Mary Victoria
Мод Вялікабрытанская
Coat of Arms of Maud of Wales.svg
сцяг
Каралева-кансорт Нарвегіі
25 лістапада 1905 — 20 лістапада 1938
Папярэднік Сафія Насауская
Пераемнік Соня Харальдсен (з 1991)
 
Дзейнасць кансорт, арыстакратка
Веравызнанне англіканства
Нараджэнне 26 лістапада 1869(1869-11-26)[1][2]
Смерць 20 лістапада 1938(1938-11-20)[1][2] (68 гадоў)
Пахаванне
Дынастыя Саксен-Кобург-Гоцкая дынастыя
Бацька Эдуард VII
Маці Аляксандра Дацкая
Муж Хокан VII
Дзеці Улаф V
 
Манаграма Манаграма
 
Узнагароды

БіяграфіяПравіць

Нарадзілася ў Мальбара-хаусе. У дзяцінстве ёй далі мянушку Гары за свавольства і хлапечыя замашкі. У суправаджэнні маці і сясцёр яна падарожнічала на лайнерах у Міжземнае мора і ў Нарвегію. 22 ліпеня 1896 года ў прысутнасці бабулі, каралевы Вікторыі, у Букінгемскім палацы ажанілася са стрыечным братам — дацкім прынцам Карлам. Яны жылі ў сядзібе Эплтан-хаус пры Сандрынгемскім палацы. Там у іх нарадзіўся адзіны сын — прынц Аляксандр (будучы Улаф V).

 
Шлюб прынцэсы Мод і прынца Карла

Пасля скасавання нарвежскім стортынгам векавой шведска-нарвежскай уніі прынц Карл Дацкі быў абраны нарвежскім манархам пад імем Хокана VII. Каранацыя караля Хокана і каралевы Мод адбылася ў Нідароскім саборы 22 чэрвеня 1906 года. Каралева імкнулася асвоіцца ў сваёй новай краіне і нават захапілася лыжнымі гонкамі, але ўсё ж часта наведвала родную Брытанію. Увесну 1937 года яна паехала ў Лондан на каранацыю Георга VI і ў Нарвегію ўжо не вярнулася. Пахавана ў замку Акерсхус, пасля побач з ёй быў пахаваны і яе муж Хокан VII.

РадаводПравіць

Зноскі

  1. 1,0 1,1 Maud // Find a Grave — 1995. Праверана 9 кастрычніка 2017.
  2. 2,0 2,1 Lundy D. R. Maud Charlotte Mary Victoria Saxe-Coburg and Gotha, Princess of the United Kingdom // The Peerage
  3. http://www.oxforddnb.com/templates/article.jsp?articleid=34943&back=&version=2004-09
  4. http://nla.gov.au/nla.news-article3630918

СпасылкіПравіць