Монас Ісакавіч Манасзон

Монас Ісакавіч Манасзон (13 (26) снежня 1907, Магілёў — 30 лістапада 1980, Мінск) — беларускі жывапісец.

Монас Ісакавіч Манасзон
Дата нараджэння	13 (26) снежня 1907
Месца нараджэння	Магілёў, Магілёўская губерня, Расійская імперыя
Дата смерці	30 лістапада 1980(1980-11-30) (72 гады)
Месца смерці	Мінск, БССР, СССР
Месца пахавання	Чыжоўскія могілкі
Род дзейнасці	мастак
Вучоба	Беларускі дзяржаўны мастацкі тэхнікум (1929)
Уплыў	Валянцін Віктаравіч Волкаў, Уладзімір Якаўлевіч Хрусталёў і Міхаіл Георгіевіч Эндэ
Узнагароды

Біяграфія

Вучыўся ў Віцебскім мастацкім тэхнікуме (1925—1929) у В. Волкава, У. Хрусталёва, М. Эндэ. Затым жыў у Койданаве (цяпер Дзяржынск).

Пахаваны на мінскіх Чыжоўскіх могілках.

Творчасць

Удзельнічаў у выставах з 1927 года. Працаваў у гістарычным жанры («Уступленне Чырвонай арміі ў Мінск 11 ліпеня 1920 г.», «Максім Багдановіч і Змітрок Бядуля ў 1916 годзе у Мінску» і інш.), пейзажы (серыя гуашаў «Старое Койданава», 1930) і бытавым жанры. Тэме Вялікай Айчыннай вайны прысвечаны карціны: «Клятва танкістаў», «Вяртанне», трыпціх «Не забудзем, не даруем!».

Прызнанне

• Член Саюза савецкіх мастакоў БССР (з 1940)
• Узнагароджаны ордэнам «Знак Пашаны», медалямі.

Літаратура

• Манасзон Монас // Беларускі саюз мастакоў. Энцыклапедычны даведнік. — Мн., 1998;
• Манасзон Монас Ісакавіч // Беларуская савецкая энцыклапедыя. Т. VI. — Мн., 1972. — С. 603—604;
• Манасзон Монас Ісакавіч // Беларуская энцыклапедыя. У 18 т. — Т. 10. — Мн., 2000. — С. 60;
• Монас Ісакавіч Манасзон. — Мн. 1978;
• Моносзон Монос Исаакович / Валаханович А. И., Кулагин А. Н. // Дзержинщина: прошлое и настоящее. — Мн., 1986. — С. 101.