Валынецкі краязнаўчы музей імя І. Д. Чэрскага
Валынецкі краязнаўчы музей імя І. Д. Чэрскага — беларускі гісторыка-краязнаўчы дзяржаўны музей у аграгарадку Валынцы.
| Валынецкі краязнаўчы музей імя І. Д. Чэрскага | |
|---|---|
| Заснаваны | 1989 |
| Месцазнаходжанне |
211610 Рэспубліка Беларусь, Віцебская вобласць, Верхнядзвінскі раён, аг. Валынцы, вул. Меліяратараў, 1 |
Гісторыя правіць
Музей заснаваны ў 1989 годзе, дзейнічаў на базе музея Новасвальнянскай васьмігадовай школы. Пасля закрыцця школы музей быў перанесены ў в. Валынцы, і ў 1992 годзе атрымаў статус дзяржаўнага.
Уся яго гісторыя музея звязана з дзейнасцю настаўніка, члена Беларускага геаграфічнага таварыства Барыса Шымука. Музей захоўвае багаты ілюстраваны матэрыял аб жыцці і навуковых адкрыццях выдатнага земляка, вучонага і даследчыка І. Д. Чэрскага.
Копіі дакументаў, фатаграфіі, карціны, цудоўныя макеты, работы К. Палынскага, мінералагічныя калекцыі, навуковыя кнігі ХІХ стагоддзя і іншыя экспанаты — усё гэта стварае галоўную экспазіцыю музея.
Музей мае наступныя экспазіцыі: агульная геалогія, жыццё і навуковая дзейнасць І. Д. Чэрскага, археалогія раёна, прырода раёна, гісторыя в. Валынцы і раёна, вайна 1812 года, этнаграфія.
Сёння музей знаходзіцца ў памяшканні сельскага Дома культуры. Музей займаецца навукова-асветніцкай дзейнасцю, зборам і захаваннем гістарычнай спадчыны края, падтрымлівае сувязі з разнастайнымі грамадскімі аб’яднаннямі Беларусі і замежжа.
Літаратура правіць
- Арлова, Л. «Ноч музеяў» у Валынцах / Л. Арлова // Дзвінская праўда (Верхнядзвінск). — 2009. — 26 мая. — С. 5.
- Валынецкі музей І. Д. Чэрскага // Памяць: Верхнядзвінскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: У. С. Богаў [і інш.]; уклад. А. Ф. Бубала; мастак Э. Э. Жакевіч. — Мінск : Паліграфафармленне, 2000. — Кн. 2. — С. 322—323.
- Віхроў, А. Музей у Валынцах / А. Віхроў // Віцебскі рабочы. — 1992. — 31 кастр. — С. 3.
- Зубрыцкі, Э. Выпрабаванне лёсам / Э. Зубрыцкі // Краязнаўчая газета. — 2007. — № 23 (чэрвень). — С. 6.
- Кутузава, В. Памяць захоўваем і прымнажаем / В. Кутузава // Дзвiнская праўда (Верхнядзвiнск). — 2005. — 10 чэрв. — С. 2.
- Шпакоўская, Г. Свята ў Валынцах / Г. Шпакоўская // Народнае слова. — 1995. — 1 чэрв. — С. 4.