Мятны алей

Мя́тны алей — эфірны алей з кветак і зялёнай масы раслін роду мята (пераважна мяты перцавай).

Бясколерная вадкасць з пахам мяты і гаркаватая на смак. Шчыльнасць 892—920 кг/м³. У складзе алею каля 50 % ментолу.

Выкарыстанне

Мятны алей выкарыстоўваецца ў медыцыне, харчовай прамысловасці, парфумерыі (вытворчасць валідолу, кандытарскіх і лікёра-гарэлачных вырабаў, зубной пасты і інш.)

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).