Адкрыць галоўнае меню

Міжнародны саюз біятланістаў

Міжнаро́дны саю́з біятлані́стаў (англ.: International Biathlon Union, ням.: Internationale Biathlon-Union, IBU) — міжнародная арганізацыя, якая аб’ядноўвае нацыянальныя федэрацыі і іншыя арганізацыі, якія прадстаўляюць біятлон. Штаб-кватэра саюза знаходзіцца ў Аўстрыі, у горадзе Зальцбург.

Міжнародны саюз біятланістаў
англ.: International Biathlon Union
ням.: Internationale Biathlon-Union
69 членаў
Штаб-кватэра: Аўстрыя Зальцбург
Тып арганізацыі: Спартыўная арганізацыя
Афіцыйная мова: Англійская
Кіраўнікі
Прэзідэнт Нарвегія Андэрс Бесеберг
Першы віцэ-прэзідэнт Расія Віктар Майгураў
Заснаванне
Заснаванне 1993
biathlonworld.com

ГісторыяПравіць

Міжнародны саюз біятланістаў быў заснаваны 2 ліпеня 1993 года[1] ў Лондане, пасля таго, як было прынята рашэнне аб выключэнні біятланістаў з Міжнароднага саюза па сучасным пяцібор’і і біятлоне (фр.: Union de Pentathlon Moderne et Biathlon, UIPMB), у якім яны знаходзіліся з 1953 года. У выніку біятланісты стварылі ўласную міжнародную федэрацыю. У Саюз увайшлі 57 нацыянальных арганізацый, якія раней знаходзіліся ў Міжнародным саюзе па сучасным пяцібор’і і біятлоне. Канчатковае аддзяленне ад UIPMB адбылося на III Кангрэсе IBU у чэрвені 1998 года. У жніўні 1998 года Міжнародны алімпійскі камітэт прызнаў Міжнародны саюз біятланістаў як незалежную міжнародную федэрацыю алімпійскага віда спорту.

Штаб-кватэра Міжнароднага саюза біятланістаў адкрыта 12 снежня 1993 года і знаходзіцца з гэтага часу ў аўстрыйскім горадзе Зальцбургу (афіцыйна зарэгістраваная як штаб-кватэра міжнароднай арганізацыі ў адпаведнасці з патрабаваннямі аўстрыйскага заканадаўства ў 1999-м).

СтруктураПравіць

У сваей дзейнасці Міжнародны саюз біятланістаў кіруецца Канстытуцыяй (англ.: IBU Constitution)[2], прынятай на ўстаноўчым кангрэсе ў 1993 годзе. На XI Кангрэсе Міжнароднага саюза біятланістаў у 2014 годзе Канстытуцыя была істотна перапрацаваная.

Вярхоўным і заканадаўчым органам Міжнароднага саюза біятланістаў з’яўляецца Кангрэс, які праводзіцца раз у два гады (пры неабходнасці магчыма скліканне пазачарговага Кангрэса). Кангрэс сцвярджае змены ў Канстытуцыі Міжнароднага Саюза Біятланістаў, Дысцыплінарных правілах, Правілах правядзення мерапрыемстваў і спаборніцтваў і іншых Правілах МСБ; прымае рашэнні аб паўнапраўным сяброўстве ў арганізацыі; вызначае месца правядзення чэмпіянатаў свету і наступнага Кангрэса. Адзін раз у 4 гады (у год правядзення Зімовых Алімпійскіх гульняў) ён таксама абірае членаў Выканаўчага Камітэта з правам голасу, Тэхнічны камітэт і аўдытараў.

Апошні з адбыўшыхся XI Кангрэс прайшоў у аўстрыйскім горадзе Санкт-Вольфганг ў верасні 2014 года (месца правядзення было перанесена з Кіева). Наступны павінен адбыцца ў 2018 годзе ў харвацкім горадзе Порач.

У перыяд паміж Кангрэсам за дзейнасць Міжнароднага саюза біятланістаў адказвае Выканаўчы камітэт (англ.: IBU Executive Board), які збіраецца як мінімум два разы ў год, а таксама па меры неабходнасці прыняцця тых ці іншых рашэнняў. Ён сцвярджае каляндар спаборніцтваў, прымае кадравыя рашэнні, якія не адносяцца да выключнай кампетэнцыі Кангрэса арганізацыі. У Выканаўчы камітэт уваходзяць 10 членаў: Прэзідэнт, Першы Віцэ-прэзідэнт (намеснік Прэзідэнта) і 7 віцэ-прэзідэнтаў, якія курыруюць розныя напрамкі працы МСБ, а таксама Генеральны сакратар, які ажыццяўляе бягучае кіраўніцтва дзейнасцю арганізацыі, але не мае права голасу на пасяджэннях Выканаўчага камітэта.

Нязменны прэзідэнт Міжнароднага саюза біятланістаў з моманту заснавання — Андэрс Бесеберг (Нарвегія). У 2014 годзе ён пераабраны на чарговы 4-гадовы тэрмін. Першы Віцэ-прэзідэнт — Віктар Майгураў (Расія), займае пасаду з 2014 года.

Афіцыйная мова Міжнароднага саюза біятланістаў — англійская. Афіцыйныя мовы Кангрэсу — англійская, нямецкая і руская. Гэтыя мовы таксама могуць быць выбраны ў якасці працоўнага ў органах, камітэтах і іншых адміністрацыйных падраздзяленнях МСБ.

Нацыянальныя федэрацыі - члены IBUПравіць

У склад IBU уваходзіць 69 нацыянальных федэрацый[3].

Краіна Федэрацыя
1   Андора Federació Andorrana d'Esquí
2   Аргенціна Federación Argentina de Biathlón
3   Арменія Armenian Biathlon Federation
4   Аўстралія Australian Biathlon Association Inc
5   Бельгія Belgium Biathlon
6   Беларусь Беларуская федэрацыя біятлона
7   Боснія і Герцагавіна Skijaški Savez Bosne i Hercegovine
8   Бразілія Confederação Brasileira de Desportos na Neve
9   Балгарыя Българска федерация по биатлон
10   Чылі Federación Chilena de Biathlón
11   Кітай Chinese Biathlon Association
12   Чэхія Český svaz biatlonu
13   Данія Danmarks Skiforbund
14   Германія Deutscher Skiverband
15   Эстонія Eesti Laskesuusatamise Föderatsioon
16   Фінляндыя Suomen Ampumahiihtoliitto
17   Францыя Fédération Française de Ski
18   Грузія National Biathlon Federation of Georgia
19   Грэцыя Hellenic Ski Federation
20   Грэнландыя Greenland Biathlon Federation
21   Вялікабрытанія The British Biathlon Union
22   Індыя Indian Biathlon Association
23   Іран I.R.Iran Ski Federation
24   Ірландыя Snowsports Association of Ireland
25   Італія Federazione Italiana Sport Invernali
26   Японія Japan Biathlon Federation
27   Казахстан Казахстанская Федерация Биатлона
28   Кенія Biathlon Federation of Kenya via NOC Kenya
29   Кыргызстан Biathlon Federation of the Kyrgyz Republic
30   Харватыя Hrvatski biatlonski savez
31   Латвія Latvijas Biatlona federācija
32   Ліхтэнштэйн Liechtensteiner Skiverband
33   Літва Lietuvos biatlono federacija
34   Паўночная Македонія Скијачка федерација на Македонија
35   Малдова Biathlon Federation of the Republic of Moldova
36   Манголія Mongolian Biathlon Association
37   Новая Зеландыя Biathlon New Zealand
38   Нідэрланды Nederlandse Ski Vereniging
39   Нарвегія Norges Skiskytterforbund
40   Аўстрыя Österreichischer Skiverband
41   Польшча Polski Związek Biathlonu
42   Партугалія Federação Portuguesa do Pentatlo Moderno
43   Румынія Federaţia Română de Schi Biatlon
44   Расія Союз биатлонистов России
45   Швецыя Svenska Skidskytteförbundet
46   Швейцарыя Swiss-Ski
47   Сербія Биатлон Савез Србије
48   Славакія Slovenský zväz biatlonu
49   Славенія Smučarska Zveza Slovenije
50   Іспанія Real Federación Española Deportes de Invierno
51   Рэспубліка Карэя Korea Biathlon Union
52   Кітайская Рэспубліка Chinese Taipei Modern Pentathlon and Biathlon Association
53   Турцыя Turkish Ski Federation
54   Украіна Федерація біатлону України
55   Венгрыя Magyar Sí Szövetség
56   ЗША United States Biathlon Association
57   Узбекістан The Republican Center of Technical Sports of Uzbekistan
58   Кіпр Cyprus Biathlon Federation
59   Канада Biathlon Canada
60   Нігерыя Biathlon Federation of Nigeria
61   Пуэрта-Рыка Biathlon Federation of Puerto Rico Via Comite Olimpico de Puerte Rico
62   Коста-Рыка Costa Rica Ski Association
63   Алжыр Federation Algerienne de Ski et sports de Montagne
64   Дамініканская Рэспубліка Federation Dominican Republic
65   Ліван Federation Libanaise de Ski
66   Манака Fédération Monéqasque de Ski
67   Марока Fédération Royale Marocaine de Ski et Montagne
68   Гуам Guam Biathlon, Triathlon and Modern Pentathlon Association
69   Амерыканскія Віргінскія астравы Virgin Islands Modern Pentathlon Plantation Manor

Праводзімыя спаборніцтвыПравіць

Чэмпіянат свету па біятлонуПравіць

Кубак свету па біятлонеПравіць

Чэмпіянат свету па біятлоне сярод юніёраўПравіць

Праводзіцца штогод з 1967 года ў мужчын і з 1989 года ў жанчын. Уключае два паасобных заліку: сярод юніёраў (ва ўзросце 20—21 год на пачатак каляндарнага года) і сярод юнакоў / дзяўчат (19 гадоў і маладзейшыя), хоць старт у абедзвюх узроставых груп у некаторых дысцыплінах можа быць агульным.

Еўрапейскія спаборніцтвыПравіць

Кубак IBU (былы Кубак Еўропы) і чэмпіянат Еўропы з’яўляюцца спаборніцтвамі «другога эшалона». У іх, як правіла, удзельнічаюць спартсмены, якія толькі пачынаюць кар’еру, альбо тыя, хто не трапляе ў асноўную каманду (якая выступае на Кубку свету) з-за зніжэння сваіх вынікаў — часам нават алімпійскія чэмпіёны (напрыклад, Фрудэ Андрэсэн, Вольга Зайцава ў сезоне 2007/2008) і чэмпіёны свету (напрыклад, Павел Растоўцаў у сезоне 2004/2005). У краінах, дзе канкурэнцыя за месца ў зборнай вельмі высокая, многія біятланісты і біятланісткі так і «вандруюць» усю сваю міжнародную кар’еру паміж Кубкам Еўропы і Кубкам свету, не маючы магчымасці замацавацца ў асноўны камандзе.

Біятлонны каляндар складаецца такім чынам, што прыняць паўнавартасны ўдзел ва ўсіх спаборніцтвах Кубка свету (уключаючы чэмпіянат свету) і ў чэмпіянаце Еўропы (не кажучы пра этапы Кубка IBU) практычна немагчыма. Тым самым пацвярджаецца, што гэта спаборніцтва для розных катэгорый спартсменаў.

Усе еўрапейскія спаборніцтвы з’яўляюцца адкрытымі. Акрамя ўласна еўрапейцаў, у іх прымаюць удзел спартсмены з Казахстана, Канады, ЗША і іншых краін.

Дысцыпліны, якія праводзяцца на чэмпіянаце Еўропы і этапах Кубка IBU, тыя ж, што і на спаборніцтвах сусветнага ўзроўню, за выключэннем таго, што не праводзіцца мас-старт.

Адкрыты чэмпіянат Еўропы па біятлонеПравіць

Чэмпіянат Еўропы (ЧЕ) праводзіцца штогод з 1994 года сярод жанчын, мужчын, юніёрак і юніёраў. Праграма чэмпіянату з 2000 года ўключае ў сябе індывідуальную гонку, спрынт, гонку пераследвання і эстафету. Таму, хоць колькасць відаў праграмы на ЧЕ менш, чым на чэмпіянаце свету, колькасць разыгрываемых камплектаў медалёў больш (у апошнія гады — 16).

Спартсмены першых зборных вядучых біятлонных дзяржаў (Расіі, Германіі, Нарвегіі, Францыі) за рэдкім выключэннем не ўдзельнічаюць у гэтых спаборніцтвах. А вось такія краіны як Украіна, Беларусь, Польшча, Балгарыя і некаторыя іншыя традыцыйна пасылаюць сваіх вядучых біятланістаў заваёўваць медалі чэмпіянатаў Еўропы. Сярод юніёраў адрозненні ў спісах удзельнікаў у сусветным і еўрапейскім першынствах менш прыкметныя.

З 2009 у ЧЕ змогуць удзельнічаць толькі спартсмены, якім на пачатак каляндарнага года яшчэ не споўнілася 27 гадоў. Такім чынам, ЧЕ набываў значэнне «моладзевага чэмпіянату свету». З 2015 года ўзроставыя абмежаванні для дарослых спартсменаў знятыя.

Кубак IBU па біятлонеПравіць

Кубак IBU (да сезона 2008/2009 — Адкрыты кубак Еўропы), як і Кубак свету, складаецца з шэрагу этапаў, на кожным з якіх праводзіцца 2 (радзей 3) гонкі.

Кубак IBU мае вялікае значэнне ў біятлоне як кваліфікацыйныя спаборніцтвы для Кубка свету. Згодна з правіламі правядзення спаборніцтваў, каб прыняць удзел у Кубку свету, спартсмен павінен паказаць на еўрапейскіх спаборніцтвах у спрынце або ў індывідуальнай гонцы вынік, не больш чым на 15% саступаючы ўсярэдненаму з трох лепшых у гонцы (Гэта не адзіны спосаб атрымаць кваліфікацыю — спартсмены, пераходзячыя ў старэйшую ўзроставую групу, могуць кваліфікавацца на Кубак свету зыходзячы са сваіх вынікаў на юніёрскім чэмпіянаце свету).

Кантынэнтальныя спаборніцтвыПравіць

Акрамя чэмпіянату і Кубка Еўропы, якія маюць важнае месца ў структуры сучаснага біятлона, Міжнародны саюз біятланістаў праводзіць чэмпіянаты і кубкавыя спаборніцтвы на іншых кантынентах: у Азіі, Паўночнай і Паўднёвай Амерыцы, а таксама міжнародныя спаборніцтвы рэгіянальнага значэння (напрыклад, Кубак Балкан, Кубак Поўначы (сярод краін Скандынаўскага рэгіёну, Паўночнай Амерыкі і Расіі)).

Летні біятлонПравіць

Арчэры-біятлонПравіць

На працягу шэрагу гадоў Міжнародны саюз біятланістаў займаўся развіццём арчэры-біятлона ў партнёрстве з Міжнароднай федэрацыяй стральбы з лука (фр.: Fédération Internationale de Tir à l'Arc, FITA). C 2006 года арчэры-біятлон знаходзіцца па-за кампетэнцыяй IBU.

Іншыя спаборніцтвыПравіць

Міжнародны саюз біятланістаў прымае ўдзел у Зімовых Алімпіядах і зімовай універсіядзе як арганізацыя, адказная за правядзенне біятлонных спаборніцтваў.

Барацьба з допінгамПравіць

Міжнародны саюз біятланістаў актыўна ўдзельнічае ў барацьбе супраць допінгу. Ён апынуўся адной з першых спартыўных федэрацый, якія распачалі кантроль крыві. Ужо ў лютым 1994 года медыцынскі камітэт і выканкам Міжнароднага саюза біятланістаў правялі першую дыскусію адносна кантролю крыві. Упершыню такая форма кантролю была прыменена падчас Кубка свету 1994 года ў Бадгаштэйне (Аўстрыя). У 1997—98 гадах пачаліся замеры велічыні гематакрыта. У сезон 2000—2001 гадоў быў заключаны кантракт з Сусветным антыдопінгавым агенцтвам на правядзенне пазаспаборніцкага кантролю.

Зноскі

СпасылкіПравіць