Мікалай Іванавіч Бурнейка

Мікалай Іванавіч Бурнейка (15 студзеня 1928, в. Цянюгі, Ушацкі раён, Віцебская вобласць — 2006, г. Гродна) — беларускі ўрач-хірург. Доктар медыцынскіх навук (1974), прафесар (1979).

Мікалай Іванавіч Бурнейка
Дата нараджэння	15 студзеня 1928(1928-01-15)
Месца нараджэння	Цянюгі, Вяркудскі сельсавет, Ушацкі раён, Полацкая акруга, БССР, СССР
Дата смерці	2006
Месца смерці	Гродна, Гродзенская вобласць, Беларусь
Грамадзянства	Беларусь
Род дзейнасці	урач, галоўны ўрач, медыцынскі адміністратар
Месца працы	Гродзенскі медыцынскі інстытут
Навуковая ступень	доктар медыцынскіх навук (1974)
Навуковае званне	прафесар (1979)
Альма-матар	Львоўскі нацыянальны медыцынскі ўніверсітэт імя Данілы Галіцкага (1954)

Біяграфія

Скончыў Львоўскі дзяржаўны медыцынскі інстытут (1954).

Працаваў у Гродзенскай абласной бальніцы (1954—1956, урач-хірург), Сапоцкінскай раённай бальніцы (Гродзенская вобласць, 1956—1960, галоўны ўрач), Ташкенцкім анкалагічным дыспансеры (1984—1986, загадчык таракальнага аддзялення), 2-ой гарадской паліклініцы г. Гродна (1986—1989, урач-хірург), Гродзенскім дзяржаўным медыцынскім інстытуце (1960—1977 — асістэнт кафедры агульнай хірургіі, 1977—1979 — дацэнт кафедры шпітальнай хірургіі, 1979—1984 — загадчык курса анкалогіі, 1989—1998 — прафесар кафедры анатоміі чалавека).

Навуковыя інтарэсы: вывучэнне варыянтнай анатоміі сасудаў канечнасцей.

Літаратура

• Исследование напряжения кислорода в тканях и периферической гемодинамики при заболеваниях сосудов нижних конечностей (клинико-экспериментальное исследование) : автореферат диссертации … доктора медицинских наук : 14.00.27 / Бурнейко Николай Иванович. — Москва, 1973.
• Изменение белка и белковых фракций сыворотки крови при важнейших заболеваниях сосудов нижних конечностей в процессе лечения : автореферат диссертации … кандидата медицинских наук / Н. И. Бурнейко. — Ленинград, 1964.
• Бурнейка Мікалай Іванавіч // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 356. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
• Бурнейко Николай Иванович // 50 лет Гродненскому государственному медицинскому университету: события и биографии / П. В. Гарелик, Е. М. Тищенко. ― Гродно, 2008. — С. 51.