Мікалай Іванавіч Валынец

Мікалай Іванавіч Валынец (3 красавіка 1921(1921-04-03), Цалевічы, Слуцкі павет — 3 сакавіка 2003(2003-03-03)) — беларускі мастак.

Мікалай Іванавіч Валынец
Дата нараджэння	3 красавіка 1921(1921-04-03)
Месца нараджэння	Цалевічы, Чапліцкая воласць[d], Слуцкі павет, БССР
Дата смерці	3 сакавіка 2003(2003-03-03) (81 год)
Месца пахавання	Ждановічы
Грамадзянства	СССР  Беларусь
Род дзейнасці	мастак
Жанр	пейзаж, партрэтны жывапіс[d] і нацюрморт
Вучоба	Віцебскае народнае мастацкае вучылішча (1940)
Член у	Саюз мастакоў БССР
Узнагароды
Медыяфайлы на Вікісховішчы

Біяграфія

Нарадзіўся ў вёсцы Цалевічы Слуцкага раёна.

У 1940 г. скончыў Віцебскае мастацкае вучылішча.

Удзельнічаў у Вялікай Айчыннай вайне, змагаўся ў баях за Сталінград і Кёнігсберг. У жніўні 1945 г. прымаў удзел у савецка-японскай вайне.

Пасля заканчэння вайны кіраваў студыяй выяўленчага мастацтва ў Хабараўску (Расійская СФСР). У 1950 г. вярнуўся ў БССР. Працаваў у Слоніме мастаком музея, распісваў сцены ў храмах Жыровіцкага Свята-Успенскага манастыра. У 1951 г. пераехаў у Мінск, а ў 1954 г. пасяліўся ў вёсцы Банцараўшчына Мінскага раёна. З 1958 г. працаваў на Беларускім мастацка-афарміцельскім камбінаце.

У 1980 г. стаў членам Беларускага саюза мастакоў.

Пісаў пейзажы, партрэты. Галерэя партрэтаў загінуўшых герояў Савецкага Саюза, знакамітых партызан, складаюць велізарную частку яго творчасці. Стварыў у Мінску Музей баявой славы воінскіх часцей, а таксама музей Героя Савецкага Саюза генерал-палкоўніка Канстанціна Леселідзэ на Чарнаморскім узбярэжжы ў Грузіі.

Работы знаходзяцца ў Нацыянальным цэнтры сучасных мастацтваў Рэспублікі Беларусь, у фондах Беларускага саюза мастакоў, у прыватных калекцыях.

Літаратура

• Лісоўская I. Ён ствараў атмасферу цеплыні // Культура. — 2004. — 21-27 лют. (No 8) — С. 7.
• Фатыхова Г. «Природу я душою обнимаю…» // Неман. — 2001. — No 1. — С. 255—256.

Спасылкі

• Волынец Николай Иванович