Мікалай Васільевіч Сторажаў

Мікалай Васільевіч Сторажаў (нар. 8 жніўня 1934, с. Стары Вышкаў, Бранскай вобласці, Расія — 9 жніўня 2004) — беларускі юрыст. Член-карэспандэнт Нацыянальнай акадэміі навук Беларусі (1989), доктар юрыдычных навук (1978), прафесар (1985). Заслужаны юрыст Рэспублікі Беларусь (2000).

Мікалай Васільевіч Сторажаў
Дата нараджэння 8 жніўня 1934(1934-08-08)
Месца нараджэння
Дата смерці 9 жніўня 2004(2004-08-09) (70 гадоў)
Грамадзянства
Род дзейнасці вучоны, выкладчык універсітэта
Месца працы
Навуковая ступень доктар юрыдычных навук[d]
Альма-матар
Узнагароды
Заслужаны юрыст Рэспублікі Беларусь

БіяграфіяПравіць

Скончыў Белдзяржуніверсітэт (1959). У 1959—1962 гадах малодшы навуковы супрацоўнік аддзела прававых навук АН БССР, з 1965 года старшы навуковы супрацоўнік, у 1978—1986 гадах загадчык сектара, у 1986—1998 гадах загадчык аддзела Інстытута філасофіі і права НАН Беларусі.

У 1998—1999 гадах намеснік дырэктара Інстытута філасофіі і права НАН Беларусі, з 1999 года дырэктар-арганізатар Інстытута дзяржавы і права НАН Беларусі, з 2002 ода дырэктар гэтага інстытута. Адначасова ў 1980—1984 гадах прафесар кафедры Беларускага ўніверсітэта культуры, з 1993 годзе прафесар і загадчык кафедры Белдзяржуніверсітэта.

Навуковая дзейнасцьПравіць

Навуковыя працы ў галіне аграрнага, зямельнага і экалагічнага права, часткова канстытуцыйнага права. Даследаваў праблемы развіцця і ўдасканалення аграрнага, зямельнага і экалагічнага права, прававога становішча сельскагаспадарчых прадпрыемстваў, забеспячэння зямельна-аграрнай рэформы, удасканалення выбарчай сістэмы Рэспублікі Беларусь. Адзін з аўтараў «Гісторыі дзяржавы і права Беларускай ССР» (т. 1-2, 1970—1976). Прымаў удзел у распрацоўцы Кодэкса Рэспублікі Беларусь аб Зямлі, Закона «Аб праве ўласнасці на зямлю», Закона «Аб прававым рэжыме тэрыторый, якія падвергліся радыеактыўнаму забруджванню ў выніку катастрофы на Чарнобыльскай АЭС», Выбарчага кодэкса Рэспублікі Беларусь і інш. З 2003 года член расійска-беларускай камісіі па распрацоўцы праекта Канстытуцыйнага Акта Саюзнай дзяржавы.

Аўтар больш за 100 навуковых прац, у т.л. 6 манаграфій[1].

Асноўныя працыПравіць

  • Правовое положение колхоза на современном этапе. Мн., 1975.
  • Правовой режим мелиорированных земель. Мн., 1986.
  • Правовое обеспечение земельно-аграрной реформы в Республике Беларусь (совм. с И. П. Кузьмич) // Выбраныя навуковыя працы Беларускага Дзяржаўнага унiверсiтэта. У 7 т. III том. Юрыспрудэнцыя. Эканомiка. Мiжнародныя адносiны. Мн., 2001.
  • Природоохранное законодательство Республики Армения, Республики Беларусь и Российской Федерации: Современное состояние и оценка выполнения экологических требований в других отраслях законодательства (в соавт.). М., 2001.
  • Правовые проблемы создания Союзного государства // К 10-летию образования Содружества Независимых Государств: итоги и перспективы. Материалы круглого стола. Минск. 18 декабря 2001. Мн., 2002.
  • Аграрное право Республики Беларусь. Общая часть. Курс лекций. Мн., 2003 (совм. с И. П. Кузьмич).

Зноскі

ЛітаратураПравіць

  • Николай Васильевич Сторожев, 1934—2004 гг. // Государство и право.- 2004. — № 12.- С. 119—120.
  • Сторожев Николай Васильевич // Национальная Академия наук Беларуси. Персональный состав. 1928—1998 / Сост. О. А. Гапоненко и др. — Мн.: БелЭн, 1998. — С. 248.
  • К 75-летию со дня рождения Н. В. Сторожева / Балашенко С. А. и др. // Право.by. — 2009. — № 4. — С. 5 — 8.
  • Член-корреспондент Николай Васильевич Сторожев : [к 65-летию ученого-юриста] // Атэстацыя. — 1999. — № 3. — С. 95 — 96.