Мікалай Канстанцінавіч Сакалоў

Мікалай Канстанцінавіч Сакалоў (нар. 14 кастрычніка 1946, г. Ліпецк, Расія) — беларускі гісторык. Доктар гістарычных навук (1989), прафесар[1] (1991).

Мікалай Канстанцінавіч Сакалоў
Дата нараджэння 14 кастрычніка 1946(1946-10-14) (77 гадоў)
Месца нараджэння
Грамадзянства
Род дзейнасці гісторык
Месца працы
Навуковая ступень доктар гістарычных навук
Альма-матар

Біяграфія правіць

Скончыў Мінскі педагагічны інстытут (1968). У 1972 у Інстытуце гісторыі партыі пры ЦК КПБ-філіі Інстытута марксізму-ленінізму пры ЦК КПСС абараніў кандыдацкую дысертацыю «Деятельность Коммунистической партии Белоруссии по развитию высшего образования в республике (1951—1958 гг.)» (навуковы кіраўнік — дацэнт А. Д. Малочка). Дацэнт (1977).

3 1972 па 1991 працаваў асістэнтам, дацэнтам у Мінскім педагагічным інстытуце. З 1976 па 1977 выкладчык-кансультант Вышейшага педагагічнага інстытута імя Хасэ Марці (г. Камагуэй, Куба), з 1980 па 1988 дацэнт Інстытута павышэння кваліфікацыі выкладчыкаў грамадскіх навук пры БДУ.

У 1988 у Маскоўскім дзяржаўным педагагічным інстытуце імя У. І. Леніна абараніў доктарскую дысертацыю на тэму «Партийное руководство подготовкой и воспитанием научно-педагогических кадров. 1936—1961 гг. (на материалах Белоруссии)». Прафесар (1991). З 1992 прафесар кафедры гісторыі Беларусі ў Мінскім педагагічным інстытуце (з 1993 Беларускі дзяржаўны педагагічны ўніверсітэт, з 1995 — імя М. Танка). Падрыхтаваў 8 кандыдатаў навук[2].

Даследуе палітычную гісторыю і гісторыю культуры Беларусі, праблемы грамадска-палітычнага жыцця, вышэйшай школы, падрыхтоўкі і выхавання кадраў народнай адукацыі («Уплыў польскай Эдукацыйнай камісіі на стан адукацыі на Беларусі і адносіны да яе расійскіх улад у канцы XVIII — пачатку XIX ст.», 1995; «Сучасная гістарыяграфія нацыянальнай палітыкі ў БССР у 20—30-я гг.», 1997). Адзін з аўтараў дапаможніка для студэнтаў ВНУ «Гісторыя Беларусі» ў 2 ч. (ч. 2, 1998). Сааўтар падручнікаў па гісторыі Беларусі.

Сям’я правіць

Дзеці: Максім Сакалоў (гісторык, кандыдат гістарычных навук)

Узнагароды і прэміі правіць

Ганаровая грамата міністэрства асветы БССР (1986); знак Міністэрства адукацыі Рэспублікі Беларусь «Выдатнік адукацыі»(2006);

Навуковыя працы правіць

  • Деятельность Коммунистической партии Белоруссии по развитию высшего образования в республике (1951—1958 гг.) : автореферат диссертации на соискание ученой степени кандидата исторических наук : специальность 07.570 История КПСС / Н. К. Cоколов ; Институт истории партии при ЦК КП Белоруссии — филиал Института марксизма-ленинизма при ЦК КПСС. — Мн, 1972. — 27 с.
  • Партийное руководство подготовкой и воспитанием кадров высшей школы БССР. — Мн.: Изд-во БГУ, 1978. — 143 с.
  • Партийное руководство подготовкой и воспитанием научно-педагогических кадров, 1936―1961 гг. : (на материалах Белоруссии) : автореферат диссертации на соискание ученой степени доктора исторических наук : 07.00.01 / Соколов Николай Константинович ; Московский государственный педагогический институт им. В. И. Ленина. — М, 1988. — 32 с.
  • Гісторыя Беларусі: вуч. дапаможнік для студэнтаў ВНУ у 2 ч./ пад рэд. Я. К. Новіка і Г. С. Марцуля. Ч.2 (у суаўтарстве).

Зноскі

  1. Лучшие выпускники (бел.). Праверана 31.08.2017.
  2. Соколов Николай Константинович // Историки Беларуси в начале XXI столетия : биобиблиографический справочник / Г. В. Корзенко. — Минск, 2007. — С. 367

Літаратура правіць

  • Соколов Николай Константинович // Историки Беларуси в начале XXI столетия : биобиблиографический справочник / Г. В. Корзенко. — Минск, 2007. — С. 367—368.
  • Энцыклапедыя гісторыі Беларусі. Т. 6. Кн. 1. — Мн., 2001. — С.204.
  • Соколов, Н. К. Партийное руководство подготовкой и воспитанием научно-педагогических кадров 1936—1961 гг.: на материалах Белоруссии: автореф. дис. на соиск. учен. степ. д-ра ист. наук. — М., 1988.