Мікалай Міхайлавіч Жылінскі

Мікалай Міхайлавіч (Мікола) Жылінскі (5 лютага 1942, в. Камяніца — 2016) — беларускі журналіст, гісторык. Кандыдат гістарычных навук (1980). Член Беларускага Саюза журналістаў (1970).

Мікалай Міхайлавіч Жылінскі
Род дзейнасці	партыйны дзеяч, пісьменнік, журналіст, гісторыя
Дата нараджэння	5 лютага 1942(1942-02-05)
Месца нараджэння	Камяніца, Ваўкавыскі сельсавет, Ваўкавыскі раён, Беластоцкая вобласць, БССР, СССР
Дата смерці	2016
Месца працы	Гродзенскі абласны камітэт КПБ Гродзенская праўда Цэнтральны камітэт КПБ Інстытут гісторыі партыі пры ЦК КПБ Гаспадыня
Альма-матар	філалагічны факультэт ГрДУ[d] (1967) Вышэйшая партыйная школа пры ЦК КПСС[d] (1977)
Член у	Беларускі саюз журналістаў Саюз пісьменнікаў Беларусі

Біяграфія

З сялянскай сям’і. Скончыў Малалапеніцкую СШ Ваўкавыскага раёна ў 1959 годзе. Працаваў карэктарам у Поразаўскай райгазеце «Ленінскі шлях», загадчыкам Лапеніцкай сельскай бібліятэкі (1959—1960), літсупрацоўнікам Бераставіцкай райгазеты «Знамя Советов» (1960—1962), інструктарам Бераставіцкага райкама ЛКСМБ (1962—1963), загадчыкам кабінета палітасветы саўгаса «Поразаўскі» Свіслацкага раёна (1963—1965), у апараце Свіслацкага райкама КПБ (1965—1968).

У 1967 годзе завочна скончыў аддзяленне беларускай мовы і літаратуры філфака Гродзенскага педінстытута. Быў памочнікам сакратара Гродзенскага абкама КПБ (1968—1973), намеснікам рэдактара і загадчыкам аддзела партыйнага жыцця газеты «Гродненская правда» (1973—1975). Вучыўся ў Вышэйшай партшколе пры ЦК КПСС (1975—1977). Працаваў інструктарам аддзела прапаганды і агітацыі, загадчыкам сектара друку гэтага аддзела ЦК КПБ (1977—1982). У 1982—1991 гадах — загадчык сектара Інстытута гісторыі партыі пры ЦК КПБ.

Потым быў загадчыкам аддзела часопіса «Гаспадыня» (1992—1994). З 1994 года — галоўны рэдактар ТК «Міласэрнасць-90».

Вывучаў праблемы сацыяльна-эканамічнага развіцця БССР. Выдаў кнігі: «Сацыялістычнае спаборніцтва на вёсцы» (1982), «Развіццё прадукцыйных сіл вёскі» (1984), брашуры.

Складальнік і навуковы рэдактар зборнікаў работ па гісторыі і паліталогіі. Аўтар нарысаў, апавяданняў, гумарэсак, дакументальнай аповесці. Выдаў зборнік нарысаў «Жывыя крыніцы» (1985).

Член Мінскага гарадскога аддзяленне ГА «Саюз пісьменнікаў Беларусі». Памёр у 2016 годзе.

Спасылкі

• Жылінскі Мікалай Міхайлавіч // Энцыклапедыя гісторыі Беларусі. У 6 т. Т. 3: Гімназіі — Кадэнцыя / Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн. : БелЭн, 1996. — 10 000 экз. — ISBN 985-11-0041-2.
• Мікалай Міхайлавіч Жылінскі на сайце анлайн-энцыклапедыі «Беларусь у асобах і падзеях»