Мікалай Радзівіл Стары
Мікалай «Стары», Мікалай Радзівілавіч (? — 16 ліпеня 1509) — вялікалітоўскі дзяржаўны дзеяч.
| Мікалай Радзівіл | |||||||
|---|---|---|---|---|---|---|---|
 | |||||||
 Герб «Трубы» | |||||||
|
|||||||
| Манарх | Казімір IV Ягелончык Аляксандр Ягелончык |
||||||
| Папярэднік | Радзівіл Осцікавіч | ||||||
|
|||||||
| Манарх | Казімір IV Ягелончык | ||||||
| Пераемнік | Івашка Ільініч | ||||||
|
|||||||
| Манарх | Казімір IV Ягелончык | ||||||
| Нараджэнне | 1450 | ||||||
| Смерць | 16 ліпеня 1509 ці 1509[1] | ||||||
| Месца пахавання | |||||||
| Род | Радзівілы | ||||||
| Бацька | Радзівіл Осцікавіч | ||||||
| Жонка |
Соф'я з Манівідаў Соф'я з Заслаўскіх Соф'я з Рагацінскіх |
||||||
| Дзеці | ад 1-га шлюбу: Войцех, Ганна, Мікалай, Юрый, Ян | ||||||
| Дзейнасць | палітык | ||||||
БіяграфіяПравіць
Сын Радзівіла Осцікавіча. Намеснік смаленскі з 1481. У 1488 як кашталян троцкі і намеснік новагародскі ўвайшоў у склад Рады ВКЛ. Хутка вылучыўся на галоўную ролю ў Радзе і ў 1491[2] заняў урады ваяводы віленскага і канцлера літоўскага. Выконваючы завяшчанне вялікага князя Казіміра, у 1492 забяспечыў пераход вялікалітоўскага стальца да Аляксандра Ягелончыка. Выступаў за шлюб Аляксандра з Аленай Іванаўнай, дачкой вялікага князя маскоўскага Івана III. Быў адным з ініцыятараў падпісання ў 1499 новага акта уніі паміж ВКЛ і Польшчай. Кіраваў ВКЛ пры адсутнасці ў дзяржаве вялікага князя. Паводле завяшчання Аляксандра садзейнічаў перадачы ў 1506 вялікалітоўскага стальца Жыгімонту I. Стварыў вялікую латыфундыю, якая заклала падмурак магутнасці роду Радзівілаў. Валодаў Кейданамі, Біржамі, Дубінкамі і інш. ў Літве; Жупранамі, Геранёнамі каля Ашмян, Нягневічамі, воласцю Бобрык на Прыпяці. У шлюбе з Соф’яй Манівід меў дачку, сыноў Мікалая, Яна, Войцеха, Юрыя. Пасля быў жанаты з Соф’яй, дачкой князя Івана Юр’евіча Заслаўскага, і з Соф’яй (Фядорай), дачкой князя Івана Рагацінскага.
ГалерэяПравіць
- Іканаграфія Мікалая Радзівіла «Старога»
Мікалай Радзівіл «Стары». Невядомы мастак, XVII ст.
.jpg)
.jpg)
Зноскі
ЛітаратураПравіць
- Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.
СпасылкіПравіць
На Вікісховішчы ёсць медыяфайлы па тэме Мікалай Радзівіл Стары
