Мікалоюс Акялайціс

Мікалоюс Акяла́йціс, або Мікалай Акялевіч (літ.: Mikalojus Akelaitis; 6 снежня 1829, в. Чуадзярышкіс, Капсукскі раён, Літва — 27 верасня 1887) — літоўскі грамадскі дзеяч, асветнік, пісьменнік.

Мікалоюс Акялайціс
літ.: Mikalojus Akelaitis польск.: Mikołaj Akielewicz
Асабістыя звесткі
Псеўданімы	Vytautas
Дата нараджэння	5 снежня 1829(1829-12-05)
Месца нараджэння	Чуадзярышкіс[d], Марыямпальскі павет, Сувалкаўская губерня, Царства Польскае, Расійская імперыя або Літва
Дата смерці	27 верасня 1887(1887-09-27) (57 гадоў)
Месца смерці	Парыж, Парыж, рэгіён Іль-дэ-Франс, Метраполія Францыі, Францыя
Пахаванне	могілкі Пантэн[d]
Грамадзянства	Расійская імперыя
Прафесійная дзейнасць
Род дзейнасці	мовазнавец, пісьменнік, паэт, перакладчык
Мова твораў	польская
Медыяфайлы на Вікісховішчы

Біяграфія

Пазнаёміўшыся ў 1850-х гг. з В. Дуніным-Марцінкевічам, В. Каратынскім, У. Сыракомлем, А. Кіркорам, распрацаваў у 1859 годзе план выдання кніг для беларусаў і літоўцаў на іх родных мовах. Выдаў літоўскі лемантар, граматыку і дыдактычную аповесць «Квестар» (усе 1860), у 1861 зрабіў літоўскую перапрацоўку беларускай «Гутаркі старога дзеда», напісаў рэцэнзію на 2 часткі «Пана Тадэвуша» А. Міцкевіча, выдаў у беларускім перакладзе Дуніна-Марцінкевіча (апублікаваны ў кнізе «Пачынальнікі», 1977). У час паўстання 1863—1864 гадоў пам. камісара паўстанцкага Часовага ўрада ў Аўгустоўскім ваяводстве. Пасля задушэння паўстання эмігрыраваў у Францыю, дзе і памёр.

Літаратура

• Мальдзіс А. І. Акялайціс // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).

Спасылкі

• На Вікісховішчы ёсць медыяфайлы па тэме Мікалоюс Акялайціс