Мікола Бушчык

Мікола Бушчык, таксама Мікалай Уладзіміравіч Бушчык (нар. 22 мая 1948 года, вёска Дзераўная, Слонімскі раён, Гродзенская вобласць) — беларускі мастак.

Мікалай Уладзіміравіч Бушчык
У Цэнтры Сучасных Мастацтваў, Мінск, 7 жніўня 2015
Дата нараджэння	22 мая 1948(1948-05-22) (74 гады)
Месца нараджэння	Дзераўная, Дзераўноўскі сельсавет, Казлоўшчынскі раён, Баранавіцкая вобласць, БССР, СССР
Грамадзянства	СССР  Беларусь
Род дзейнасці	мастак
Жанр	пейзаж, тэматычная карцина
Вучоба	Беларуская дзяржаўная акадэмія мастацтваў
Мастацкі кірунак	неаэкспрэссіянізм
Сайт	bushchyk.com
Медыяфайлы на Вікісховішчы

Біяграфія

У 1969 годзе скончыў Краснадарскае мастацкае вучылішча (РСФСР); у 1975 годзе скончыў Беларускі тэатральна-мастацкі інстытут; у 1980 годзе ўступіў у Беларускі саюз мастакоў. У 1975—81 гадах працаваў выкладчыкам Беларускага політэхнічнага інстытута.

Працуе ў жанрах тэматычнай карціны («Які прыгожы гэты свет», 1976; «Узыходжанне» і «Трынаццаць», 1992), партрэта, пейзажа. Шмат карцін, прысвечаных беларускай тэматыцы «Беларуская вёска», «Бабулькі ў Гродна», «Слуцкія вароты ў Нясвіжы», «Вечар у Віцебску», «Звонкі вечар у Слоніме», «Восень на Палаце».

Літаратура

• Бушчык Мікалай Уладзіміравіч / Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).