Мікола Ганько

Мікола Ганько (23 мая 1924, хут. Каледзіна, цяпер Маладзечанскі раён, Мінская вобласць — 18 мая 1999, Таронта, Канада) — беларускі грамадскі дзеяч у Канадзе. Брат старшыні Саюза беларускай моладзі Міхася Ганько.

Мікола Ганько
Род дзейнасці	грамадскі дзеяч
Дата нараджэння	23 мая 1924(1924-05-23) ці 23 мая 1923(1923-05-23)
Месца нараджэння	Каледзіно, гміна Лебедзева[d], Вілейскі павет, Заходняя вобласць, РСФСР
Дата смерці	18 мая 1999(1999-05-18)
Месца смерці	Таронта, Антарыа, Канада
Месца пахавання	Таронта
Альма-матар	Маладзечанская гандлёва-адміністрацыйная школа[d]
Член у	Саюз беларускай моладзі Згуртаванне беларусаў Канады

Біяграфія

У час нямецкай акупацыі вучыўся ў Маладзечанскай гандлёва-адміністрацыйнай школе, у 1944 г. быў на курсах сярэдніх кіраўнікоў Саюза беларускай моладзі у Альбярціне. З лета 1944 года ў эміграцыі. Пасля вайны апынуўся ў Зальцбургу (Аўстрыя). У 1948 годзе перабраўся ў Канаду. Быў адным з заснавальнікаў парафіі Св. Кірылы Тураўскага (БАПЦ) у Таронта, быў шматгадовым кіраўніком Згуртавання беларусаў у Канадзе. Адзін з ініцыятараў стварэння таварыства дапамогі дзецям — ахвярам Чарнобыльскай катастрофы.

Яго жонка Марыя напісала ўспаміны «Каб сведчылі пра Беларусь: жыццё і дзейнасць Міколы Ганько», выдадзеныя ў Мінску ў 2005 годзе.

Пахаваны разам з жонкай на могілках Пайн Хілс у Таронта.

Літаратура

• Юрэвіч, Л. Шматгалосы эпісталярыум : гісторыя людзей і ідэй на эміграцыі ў ліставанні / Прадм. і рэд. Н. Гардзіенка. — Мінск: Кнігазбор, 2012. — 660 с. — (Бібліятэка Бацькаўшчыны ; кн. 20). — ISBN 978-985-7007-43-1.
• Лявон Юрэвіч. Літаратурны рух на эміграцыі. — Мінск, БГА, 2002.