Мікола Пачкаеў
Мікола Пачкаеў (нар. 1973, Мінск) — беларускі грамадскі дзеяч у Вялікабрытаніі. Старшыня Згуртавання Беларусаў у Вялікабрытаніі, заступнік Старшыні Рады БНР.
| Мікалай (Мікола) Пачкаеў | |||||||
|---|---|---|---|---|---|---|---|
 | |||||||
|
|||||||
| Прэзідэнт | Івонка Сурвіла | ||||||
|
|||||||
| Пераемнік | Алесь Чайчыц | ||||||
| Нараджэнне |
1973 |
||||||
| Партыя | Партыя БНФ (да 2005 г.) | ||||||
| Член у | |||||||
| Адукацыя |
|
||||||
| Дзейнасць | палітык | ||||||
| Узнагароды |
 |
||||||
Біяграфія правіць
Скончыў сярэднюю школу № 4 у Мінску (1990), у 1990 годзе паступіў на беларускамоўную плынь гістарычнага факультэта Белдзяржуніверсітэта, з 1992 на аддзяленні (пазней факультэце) міжнародных адносін, у 1994—1995 ва Уітан (Wheaton) каледжы (ЗША), выпускнік БДУ 1996 г. У 1996—1997 на магістрскай праграме ў Цэнтральна-Еўрапейскім універсітэце (Будапешт, Венгрыя), у 1997—1998 на магістрскай праграме ва ўніверсітэце Кембрыджа (Вялікабрытанія), далей таксама на доктарскай праграме[1].
Удзельнік акцый Беларускага Народнага Фронту з 1989 года, назіральнік ад Партыі БНФ падчас прэзідэнцкіх выбараў 1994 года, у 1997 член Маладзёвай Фракцыі БНФ, заснавальнага камітэта і ўдзельнік устаноўчага сойму Маладога Фронту, абраны членам Сойму БНФ і Партыі БНФ, член Міжнароднай Камісіі, член дэлегацыі БНФ на кансультацыях для перамоў з уладамі за пасярэдніцтвам АБСЕ ў 1999—2000 г., у 1996—1997 г. прадстаўнік Партыі БНФ у Венгрыі, у 1997—2006 г. прадстаўнік Партыі БНФ у Вялікабрытаніі[1].
Стала ў Вялікабрытаніі з 2000 года, працуе тэхнічным перакладчыкам, аналітыкам міжнароднай палітычнай рызыкі і інвестыцыйнага клімату. Аўтар артыкулаў у «Нашай Ніве», «Спадчыне», «Архэ», «Нашым Слове», «Навінах БНФ», «Вялікае княства Літоўскае: энцыклапедыя», «Belarusian Review» і іншых шматлікіх рэпартажаў з Вялікабрытаніі для беларускай службы «Радыё Свабода» (2001—2006). Даў інтэрв’ю ў кнізе «Беларуская нацыянальная ідэя» (2020).
Сакратар Згуртавання Беларусаў у Вялікабрытаніі ў 2003—2004 гг., абраны намеснікам старшыні ЗБВБ у 2004 г., пераабраны ў 2005—2010 гг. З 2013 года — старшыня[2][3].
Член Рады БНР (з 2005 г.), Заступнік старшыні Рады БНР (з 2016 г.)[4]
Узнагароды правіць
Узнагароджаны Медалём да стагоддзя БНР[5].
Зноскі
- ↑ а б Гардзіенка Наталля. Беларусы ў Вялікабрытаніі. — Мінск: Медысонт, 2010., стар. 554.
- ↑ Згуртаванне беларусаў Вялікабрытаніі ўзначаліў Мікола Пачкаеў Архівавана 17 сакавіка 2018.
- ↑ http://nashaniva.by/?c=ar&i=111014
- ↑ У НЬЮ-ЁРКУ ПРАЙШЛА СЕСІЯ РАДЫ БНР — Афіцыйны сайт Рады БНР, 21.3.2016
- ↑ УРУЧЭННІ МЕДАЛЁЎ ДА СТАГОДДЗЯ БНР У ВІЛЬНІ 22-23 ЛІСТАПАДА 2019 Г. — Афіцыйны сайт Рады БНР, 27.11.2019
Літаратура правіць
- Гардзіенка Наталля. Беларусы ў Вялікабрытаніі. — Мінск: Медысонт, 2010.
- Мікола Пачкаеў, «Навіны БНФ», № 8 (87) 9 верасня 2005, стар. 12.
Спасылкі правіць
- «Актуальная нацыянальная ідэя сёння — адстаяць незалежнасць краіны» — інтэрв’ю для Еўрарадыё, 31/10/2019