Міксіны (Myxini) — марскія жывёлы, разглядаюцца як падклас або клас кругларотых. Поўная адсутнасць эмбрыянальных ці рудыментарных элементаў пазваночніка дазваляе дапусціць, што гэтыя жывёлы не з’яўляюцца формай пазваночных, а толькі іх сястрынскай групай.

Міксіны

Eptatretus stoutii
Навуковая класіфікацыя
Міжнародная навуковая назва

Myxinidae

Падсямействы

Сістэматыка
на Віківідах

Выявы
на Вікісховішчы
ITIS  159753
NCBI  7762
EOL  8908
FW  352182

Апісанне правіць

Даўжыня да 1 м. Цела вугрападобнае, голае, спінны плаўнік адсутнічае, хваставы плаўнік прасціраецца на частку спінной паверхні. Шкілет храстковы. Сківіцы адсутнічаюць, рот у выглядзе круглай адтуліны, абкружаны некалькімі мясістымі вусікамі. Зубы на языку. Шчэлепных адтулін ад 1 да 15 пар. Шматлікія поры слізістых залоз размяшчаюцца ўздоўж цела. Крывяносная сістэма незамкнёная. Сэрца 1 асноўнае і 3 дадатковыя. Вочы дэгенерыравалі.

Пашырэнне правіць

Выдзяляецца 1 атрад (Myxiniformes), 1 сямейства (Myxinidae), 7 родаў, каля 70 відаў.

Пашыраны ва ўмераных і субтрапічных марскіх водах.

Асаблівасці біялогіі правіць

Паразіты або драпежнікі. Выядаюць унутранасці і мышцы ў рыб, угрызаюцца ў падаль ці ахвяру з дапамогай моцнага языка з рагавымі зубамі. Радзей кормяцца чарвямі.

Здольныя завязвацца ў вузел, каб вызваліцца ад слізі, пазбегнуць злову, ці адарваць кавалак ежы.

Яечнікі і семяннікі маюцца ў адной і той жа асобіны, але функцыянуе толькі адзін тып ганад. Адкладваюць 20-30 яец, багатых жаўтком. Развіццё без ператварэння.

Літаратура правіць