Вікіпедыя

Мікіта Дзмітрыевіч Капленка

беларускі футбаліст
(Пасля перасылкі з Мікіта Капленка)

Мікіта Капленка (нар. 18 верасня 1995, Маладзечна) — беларускі футбаліст, паўабаронца салігорскага «Шахцёра».

Футбол
Мікіта Капленка
Поўнае імя Мікіта Дзмітрыевіч Капленка
Нарадзіўся 18 верасня 1995(1995-09-18)[1] (27 гадоў)
Грамадзянства Flag of Belarus.svg Беларусь
Рост 190 см
Вага 83 кг
Пазіцыя паўабаронца
Інфармацыя пра клуб
Клуб Беларусь Шахцёр
Нумар 55
Клубная кар’ера[* 1]
2011—2019 Беларусь Дынама (Мінск) 73 (0)
2015 →  Беларусь Бяроза-2010 26 (7)
2020 Беларусь Тарпеда-БелАЗ (Жодзіна) 17 (1)
2021 Расія Чайка (Песчанакопскае) 11 (0)
2021—2022 Расія Валгар (Астрахань) 29 (0)
2023— Беларусь Шахцёр (Салігорск)
Нацыянальная зборная[* 2]
2012 Беларусь Беларусь (да 17) 3 (1)
2014—2016 Беларусь Беларусь (да 21) 7 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 23 снежня 2022.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 1 студзеня 2017

Клубная кар’ераПравіць

Выхаванец дзіцячай школы мінскага «Дынама», з 2011 года пачаў выступаць за дубль клуба. У дублі апусціўся з першапачатковай пазіцыі нападніка на пазіцыю паўабаронцы. Сезон 2015 правёў у арэндзе ў клубе Першай лігі «Бяроза-2010».

У студзені 2016 года «Бяроза-2010» спыніла існаванне, і Капленка вярнуўся ў «Дынама», дзе стаў працаваць з асноўнай камандай[2]. Сезон 2016, аднак, пачаў у дублі, пазней стаў трапляць на лаўку запасных асноўнай каманды. 4 чэрвеня 2016 года дэбютаваў у Вышэйшай лізе, адгуляўшы ўвесь матч супраць брэсцкага «Дынама» (4:1), і з таго часу замацаваўся ў асноўным складзе мінчан на пазіцыі апорнага паўабаронцы. У лістападзе 2016 года падпісаў новы двухгадовы кантракт з дынамаўцамі[3].

Пачынаў сезон 2017 у якасці асноўнага апорнага паўабаронцы. Улетку страціў месца ў складзе і стаў часцей заставацца на лаўцы запасных, у кастрычніку вярнуўся ў асноўны склад. У красавіку 2018 года падоўжыў кантракт з «Дынама»[4].

Сезон 2019 пачынаў у дублі, з мая стаў выступаць у стартавым складзе асноўнай каманды, аднак з верасня часцей заставаўся на лаўцы запасных. У студзені 2020 года кантракт з дынамаўцамі быў разарваны[5], і неўзабаве паўабаронца стаў іграком жодзінскага «Тарпеда-БелАЗ»[6]. Прапусціў пачатак сезона 2020, у далейшым замацаваўся ў складзе жодзінцаў і дапамог клубу выйграць бронзавыя медалі чэмпіянату.

У студзені 2021 года пакінуў «Тарпеда-БелАЗ»[7] і неўзабаве стаў іграком «Чайкі» з расійскай ФНЛ[8]. У ліпені 2021 года «Чайка» была адпраўлена ў трэці дывізіён. Паўабаронца яшчэ некаторы час гуляў за каманду, аднак у жніўні пакінуў клуб[9].

У верасні 2021 года папоўніў склад астраханскага «Валгара»[10]. Пакінуў клуб у лістападзе 2022 года[11].

У снежні 2022 года падпісаў трохгадовы кантракт з салігорскім «Шахцёрам»[12].

Міжнародная кар’ераПравіць

У 2012 годзе гуляў за юнацкую зборную Беларусі ў кваліфікацыі чэмпіянату Еўропы.

25 студзеня 2014 года дэбютаваў у моладзевай зборнай Беларусі, выйшаўшы на замену ў сярэдзіне другога тайму матча супраць Казахстана на Кубку Садружнасці ў Санкт-Пецярбургу. Пазней трывала выклікаўся ў моладзевую зборную, хоць часцей заставаўся на лаўцы запасных. Усяго за моладзевую зборную правёў 7 матчаў.

ДасягненніПравіць

Статыстыка выступленняўПравіць

Сезон Дывізіён Клуб Краіна Матчы Галы
2011 дубль Дынама   1 0
2012 дубль Дынама   30 7
2013 дубль Дынама   30 3
2014 дубль Дынама   30 2
2015 Д2 Бяроза-2010   26 7
2016 Д1 Дынама   16 0
2017 Д1 Дынама   20 0
2018 Д1 Дынама   23 0
2019 Д1 Дынама   14 0
2020 Д1 Тарпеда-БелАЗ   17 1
2020/21 (2) Д2 Чайка   8 0
2021/22 (пач.) Д3 Чайка   3 0
2021/22 Д2 Валгар   24 0
2022/23 (1) Д2 Валгар   5 0

Зноскі

  1. ↑ Nikita Kaplenko // Transfermarkt — 2000. Праверана 9 кастрычніка 2017.
  2. ↑ Бондаренко, Капленко и еще три экс-игрока «Березы-2010» вызваны на сбор в минское «Динамо»
  3. ↑ Футбол. Никита Капленко подписал новый контракт с минским "Динамо", рассчитанный сроком на два года
  4. ↑ Капленко и Лапун продлили контракты с минским "Динамо"
  5. ↑ Никита Капленко покинул минское "Динамо"
  6. ↑ Капленко перешел в "Торпедо-БелАЗ"
  7. ↑ Капленко ушел из "Торпедо-БелАЗ"
  8. ↑ Никита Капленко подписал контракт с российской "Чайкой"
  9. ↑ Никита Капленко расстался с "Чайкой"
  10. ↑ Никита Капленко перешел в астраханский "Волгарь" из российской ФНЛ
  11. ↑ Никита Капленко покинул "Волгарь" и близок к контракту с "Шахтером"
  12. ↑ Футбол. Никита Капленко подписал трехлетний контракт с "Шахтером" (руск.). pressball.by (23 снежня 2022). Праверана 23 снежня 2022.
Узята з "https://be.wikipedia.org/w/index.php?title=Мікіта_Дзмітрыевіч_Капленка&oldid=4355478"