Мінскае гета (серыя афортаў)
Мінскае гета — серыя афортаў Лазара Рана, прысвечаная Мінскаму гета і яго вязням. Захоўваецца ў калекцыі Дрэздэнскай карціннай галерэі.
| | |
| Лазар Саулавіч Ран | |
| Мінскае гета. 1962 | |
| Тэхніка | афорт |
|---|---|
| Galerie Neue Meister[d] | |
Гісторыя
правіцьУ 1950-х Лазар Ран пачаў серыю афортаў «Мінскае гета» і працаваў над ёй доўга і скрупулёзна. З аднаго боку вельмі складаная тэхніка патрабавала дакладнасці, а з іншай — тэма гэтага цыклу была настолькі асабістай, што кожная праца нараджалася ў пакутах. На серыю «Мінскае гета» ў Рана пайшло 20 гадоў. Афіцыйна пазначаецца, што даты стварэння серыі 1962—1972 гады[1].
У 1979 годзе пры садзейнічанні нямецкай мастачкі Леа Грундзік альбом гэтых гравюр быў набыты Дрэздэнскай карціннай галерэяй.
Апісанне
правіцьСам мастак гэтага не сцвярджаў, але імаверна, што на выявах серыі сустракаюцца партрэты яго маці, жонкі, сястры і трох дзяцей, якія загінулі ў Мінскім гета[2].
Апісанне
правіцьЦыкл уключае 17 чорна-белых лістоў, выкананых у тэхніцы афорту[2].
Спіс афортаў (няпоўны)[3]:
- Пекла
- У маліне
- Шчасліўчык
- Звар’яцелая
- Паэт
- Філосаф
- Музыка
- За калючым дротам
- Птушкі
- Ля ямы
- Ідуць
- Выратаванне. У партызан
- Расcтрэл
- Чакаюць
- У схроне
- Хворая маці
Выстаўкі
правіцьТолькі ў 1991 годзе афорты былі паказаны на выстаўцы ў мінскім Палацы культуры тонкасуконнага камбіната імя Ц. Я. Кісялёва. Пасля гэтага у канцы 90-х гадоў, мастацтвазнаўца Ларыса Фінкельштэйн зноў экспанавала гэтыя творы ў сваёй галерэі «Брама»[4].
У ліпені 2014 года ў Нацыянальным гістарычным музеі Беларусі ў Мінску працавала выстаўка, прысвечаная памяці Мінскага гета. Экспазіцыя складалася з мастацкіх работ Лазара Рана, прадстаўленых калекцыянерам Андрэем Філатавым, а таксама з экспанатаў Музея гісторыі і культуры яўрэяў Беларусі[5].
Зноскі
- ↑ История Минского гетто (руск.)
- ↑ а б «Минское гетто»: история Лазаря Рана — главного графика Европы, непризнанного на Родине (руск.)
- ↑ Главная тема Лазаря Рана Архівавана 17 снежня 2022. (руск.)
- ↑ МІШПОХА Іна Герасімава. «Галоўная тэма Лазара Рана» (руск.)
- ↑ Памяти Минского гетто. В белорусской столице открылась выставка художника Лазаря Рана (руск.)
Літаратура
правіць- Лазарь Ран. Минское гетто [Изоматериал] = Lazar Ran. Minsk ghetto : графика, скульптура, живопись : альбом / (составители: И. Герасимова, А. Стребков; автор вступительной статьи И. Герасимова). — Минск: Кнігазбор, 2008. — ISBN 978-985-6852-70-4.