Мінская дзіцячая чыгунка імя К. С. Заслонава

Мінская дзіцячая чыгунка імя К. С. Заслонава — дзіцячая чыгунка (ДЧ), размешчаная ў Мінску. Вакзал пабудаваны ў 1956 годзе па праекце архітэктара Г. Заборскага.

Дарога адкрываецца кожны год 1 мая і закрываецца ў апошнюю нядзелю верасня. У маі і верасні дарога працуе па нядзелях і святочных днях, у летнія месяцы — па серадах, чацвяргах, пятніцах, суботах і нядзелях.

Пачынаючы з зімы 2008—2009 гадоў рух цягнікоў ажыццяўляецца і ў дні зімовых канікулаў.

Інтэрвал руху цягнікоў — 35 хвілін.

Гісторыя правіць

Чыгунка была адкрыта 9 ліпеня 1955 г.. З 1955 года эксплуатаваліся паравоз КП і 6 драўляных вагонаў. З 1967 года пачалі эксплуатавацца два цеплавозы (ТУ2-010 і ТУ2-113) і 6 цэльнаметалічных вагоны. У 1971 годзе чыгунцы было прысвоена імя Канстанціна Сяргеевіча Заслонава — легендарнага беларускага партызана-чыгуначніка, Героя Савецкага Саюза. Галоўная станцыя «Парк Культуры» была перайменаваная ў «Заслонава».

У сярэдзіне 1980-х на станцыі «Заслонава» быў праведзены капітальны рамонт, а ў 1987 годзе была праведзена тэхнічная мадэрнізацыя чыгнункі — была ўстаноўлена аўтаблакіроўка, пабудаваны новы будынак дыспетчарскай на станцыі «Піянерская», пясчаны баластны слой быў заменены на друзавы. Паступіў у эксплуатацыю новы цеплавоз (ТУ7А-2782) і 6 вагонаў.

У 1994 годзе цеплавоз ТУ2-010 быў спісаны на металалом, а 6 вагонаў вытворчасці 1967 года цалкам разбіты мясцовымі вандаламі. У 2005 годзе быў спісаны цеплавоз ТУ2-113. Цяпер яго стаянка знаходзіцца ў Брэсцкім музеі чыгуначнай тэхнікі.

У тым жа 2005 г. вагоны вытворчасці 1987 года былі адпраўленыя на рамонт. Да 50-гадовага юбілею чыгункі былі падораныя 6 вагонаў, якія прайшлі капітальны рамонт на Гомельскім вагонарамонтным заводзе.

Летам 2008 года быў набыты цеплавоз ТУ7А-3350. У маі 2009 года адбылося ўрачыстае адкрыццё новага навучальнага цэнтра з прафiлюючымi класамі, камп'ютарным кабінетам і залай гісторыі.

У цяперашні час эксплуатуецца два цеплавоза ТУ7А-2782, ТУ7А-3350 і 12 вагонаў серыі ПВ51, адзін з якіх абсталяваны дызель-генератарнай усталёўкай, прызначанай для асвятлення і ацяплення вагонаў. Усе вагоны абсталяваны сістэмай радыёвяшчання для правядзення музычнага суправаджэння і тэматычных экскурсій.

Галерэя правіць

Станцыя «Піянерская»
Станцыя «Сасновы Бор»
Лакаматыў на станцыі «Заслонава»
Цягнік на станцыі «Заслонава»

Гл. таксама правіць

Гомельская дзіцячая чыгунка

Спасылкі правіць

На Вікісховішчы ёсць медыяфайлы па тэме Мінская дзіцячая чыгунка імя К. С. Заслонава

Старонка дзіцячай чыгункі на сайце Беларускай чыгункі
Гісторыя Мінскай дзіцячай чыгункі на сайце Д. Суцягіна «Дзіцячыя чыгункі СССР»
Гісторыя Мінскай ДЧ Архівавана 23 студзеня 2013. на сайце minsk-old-new.com
Неафіцыйны сайт Мінскай ДЧ (руск.)
Мінская дзіцячая чыгунка імя К. С. Заслонава на сайце «Архіварта»