Мінска-Магілёўская архідыяцэзія

Мінска-Магілёўская архідыяцэзія — каталіцкая архідыяцэзія ў Беларусі. Утворана 13 красавіка 1991 года аб’яднаннем Мінскай і Магілёўскай архідыяцэзій. Займае тэрыторыю Мінскай і Магілёўскай абласцей (першапачаткова — таксама і Віцебскай, на тэрыторыі якой у 1999 была ўтворана асобная Віцебская дыяцэзія), уваходзіць у склад Мінска-Магілёўскай мітраполіі.

Мінска-Магілёўская архідыяцэзія
лац.: Archidioecesis Minscensis Latinorum-Mohiloviensis Latinorum
Рымскі абрад
Галоўны горад	Мінск
Краіна	Беларусь
Дата заснавання	13 красавіка 1991
Кафедральны сабор	Архікафедральны касцёл Імя Найсвяцейшай Дзевы Марыі
Мітраполія	Мінска-Магілёўская
Прыходаў	122
Іерарх	Казімір Велікаселец — апостальскі адміністратар
Плошча дыяцэзіі	69 800 км²
Насельніцтва дыяцэзіі	4 800 000 чал.
Колькасць каталікоў	610 000 чал.
Доля каталікоў	13 %

Гісторыя

Архікафедральны касцёл Імя Найсвяцейшай Дзевы Марыі

Першым Мітрапалітам Мінска-Магілёўскім быў прызначаны Казімір Свёнтак. З 1999 года да 2003 год дапаможным біскупам архідыяцэзіі быў Кірыл Клімовіч, у снежні 2004 года на гэту пасаду быў пастаўлены Антоній Дзям’янка.

14 чэрвеня 2006 года Папа Бенедыкт XVI прыняў прашэнне кардынала Свёнтка аб вызваленні ад кіраўніцтва архідыяцэзіяй і прызначыў Антонія Дзям’янку апостальскім адміністратарам.

21 верасня 2007 года папа Бенедыкт XVI прызначыў архібіскупам Мінска-Магілёўскім Тадэвуша Кандрусевіча. З дня яго кананічнага ўступлення на пасаду (10 лістапада таго ж года) да 2012 года Антоній Дзям’янка з’яўляўся Генеральным вікарыем архідыяцэзіі.

3 студзеня 2021 года Архібіскуп Тадэвуш Кандрусевіч сышоў у адстаўку, Папа Францыск прызначыў апостальскім адміністратарам Казіміра Велікасельца.

Дэканаты

• Бабруйскі дэканат
• Барысаўскі дэканат
• Валожынскі дэканат
• Вілейскі дэканат
• Магілёўскі дэканат
• Маладзечанскі дэканат
• Мядзельскі дэканат
• Нясвіжскі дэканат
• Стаўбцоўскі дэканат

г. Мінск і Мінскі раён

• Дэканат Мінск-Захад
• Дэканат Мінск-Усход

Навучальныя ўстановы

• Мінскі тэалагічны каледж iмя Св. Яна Хрысціцеля

Гл. таксама

• Парафіі Мінска-Магілёўскай архідыяцэзіі
• Біскупы мінска-магілёўскія

Спасылкі

• Старонка дыяцэзіі на сайце catholic.by
• Інфармацыя на сайце «Catholic Hierarchy»
• - Францысканскі форум;
• - МІНСКІ КАТАЛІЦКІ ФОРУМ
• - сайт Гродзенскай дыяцэзіі
• - сайт санктуарыю Маці Божай у Будславе
• - сайт архікафедральнага касцёла Імя Найсвяцейшай Дзевы Марыі ў Мінску
• - сайт кафедральнай базілікі Св. Францішка Ксаверыя ў Гродна
• - сайт парафіі Унебаўзяцця Найсвяцейшай Дзевы Марыі (Магілёў)
• - сайт рымска-каталіцкай парафіі Св. Яна Хрысціцеля ў Мінску
• - сайт грэка-каталіцкай парафіі Св. Іосіфа (Мінск)
• - фотаэнцыклапедыя «Нашы Касцёлы»
• - supołka «Katalickaja Biełaruś» u ŽŽ
• - сайт каталіцкага часопісу «Ave Maria»
• - сайт каталіцкага часопісу «Наша вера»