Мінскі тэалагічны каледж імя святога Яна Хрысціцеля

Мінскі тэалагічны каледж імя святога Яна Хрысціцеля
Мінскі тэалагічны каледж імя святога Яна Хрысціцеля
Дата заснавання	16 кастрычніка 2010
Тып	каледж
Размяшчэнне	Мінск;

Мінскі тэалагічны каледж імя святога Яна Хрысціцеля — каталіцкая тэалагічная навучальная ўстанова ў горадзе Мінску. Апекуном вучэльні з’яўляецца святы Ян Хрысціцель. Заняткі абдываюцца ў Хрысціянскім цэнтры па вул. Серафімовіча, 19.

Гісторыя Правіць

16 кастрычніка 2010 года распачаў сваю дзейнасць «Цэнтра падрыхтоўкі катэхэтаў» пры Мінска-Магілёўскай архідыяцэзіі.

30 жніўня 2013 года Упаўнаважаны па справах рэлігій і нацыянальнасцей Леанід Паўлавіч Гуляка ўручыў Мітрапаліту Мінска-Магілёўскаму арцыбіскупу Тадэвушу Кандрусевічу Пасведчанне аб дзяржаўнай рэгістрацыі каледжа. Духоўная навучальная ўстанова была заснавана Мітрапалітам на базе «Цэнтра падрыхтоўкі катэхэтаў». Дырэктарам Каледжа прызначаны кс. д-р Ян Крэміс^[1]^[2]. Заняткі першапачаткова абдываліся пры Чырвоным касцёле ў Мінску, на сённешні дзень у Хрысціянскім цэнтры.

Кірункі Правіць

Група «А» (тэалогія) прадугледжана для асобаў, якія жадаюць паглыбіць сваю веру і веды, вывучаючы каталіцкую тэалогію і іншыя прадметы згодна з праграмай навучання. Навучэнцы гэтай групы атрымліваюць дыплом аб заканчэнні каледжа без прысваення кваліфікацыі.
Група «B» (тэалогія + катэхетыка) прадугледжана для асобаў, якія жадаюць пасля заканчэння каледжа служыць у парафіях у якасці катэхета (настаўніка катэхізіса). Навучэнцы гэтай групы, акрамя вывучэння тэалогіі, маюць магчымасць набыць паглыбленыя веды ў галіне практычных метадаў катэхізацыі, якія існуюць у Каталіцкім Касцёле.
Група «C» (тэалогія + касцёльны спеў) прадугледжана для асобаў, якія жадаюць пасля заканчэння каледжа служыць у парафіях у якасці кантара (кіраўніка спеваў). Навучэнцы гэтай групы, акрамя вывучэння тэалогіі, маюць магчымасць набыць паглыбленыя веды ў галіне арганізацыі літургічных спеваў.
Група «D» (тэалогія + сродкі масавай камунікацыі) прадугледжана для асобаў, якія жадаюць пасля заканчэння каледжа служыць у касцёльных сродках масавай камунікацыі ў якасці супрацоўніка КСМК (каталіцкіх сродкаў масавай камунікацыі). Навучэнцы гэтай групы, акрамя вывучэння тэалогіі, маюць магчымасць набыць паглыбленыя веды ў галіне сродкаў масавай камунікацыі.
Група «Е» (тэалогія + рэлігійны турызм) прадугледжана для асобаў, якія жадаюць пасля заканчэння каледжа служыць у касцёльных структурах у якасці куратара пілігрымак. Навучэнцы гэтай групы, акрамя вывучэння тэалогіі, маюць магчымасць набыць паглыбленыя веды ў галіне рэлігійнага турызму^[3].

Навучэнцы ІІІ курса, у залежнасці ад групы (B, C, D, Е), акрамя прадугледжаных праграмай навучання прадметаў, наведваюць лекцыі, якія даюць магчымасць атрымання адпаведнай кваліфікацыі (катэхет, кантар, супрацоўнік КСМК, куратар пілігрымак)^[4].

Абітурыенты Правіць

Навучанне ў каледжы працягваецца тры гады (з верасня па чэрвень). Форма навучання — завочная. Пасля заканчэння каледжа навучэнцы атрымліваюць дыплом з пазначэннем прысвоенай ім кваліфікацыі. Навучанне ў каледжы бясплатнае.

Год/чалавек	Паступіла	Выпускнікоў
2018	18^[5]	?
2019	?	10^[6]
2020	?	11^[7]
2021	?	8^[8]

Выкладчыкі Правіць

біскуп Аляксандр Яшэўскі.
кс. Дзмітрый Барыла.
кс. Юрый Рашатко.
Алена Шымак.
кс. Уладзімір Марушэўскі.
кс. Павел Эйсмант.
кс. Яўген Вінтоў.

Дырэктары Правіць

кс. Ян Крэміс (з 2013).

Зноскі

[1] Мінскі тэалагічны каледж — навучанне толькі для католікаў?

[2] У Мінску зарэгістраваны Каледж тэалогіі

[3] Мінскі тэалагічны каледж аб’яўляе набор навучэнцаў

[4] Мінскі тэалагічны каледж аб’яўляе набор навучэнцаў

[5] У Дзень ведаў арцыбіскуп Кандрусевіч даў старт новаму навучальнаму году ў Мінскім тэалагічным каледжы

[6] У Мінскім тэалагічным каледжы завяршыўся навучальны год

[7] У Мінскім тэалагічным каледжы з удзелам біскупа Яшэўскага афіцыйна распачалі навучальны год

[8] У Мінскім тэалагічным каледжы з удзелам біскупа Велікасельца ўрачыста завяршыўся навучальны год

[1]

[2]

[3]

[4]

[5]

[6]

[7]

[8]