Вікіпедыя

Мінскі інавацыйны ўніверсітэт

(Пасля перасылкі з Мінскі інстытут кіравання)

Мінскі інавацыйны ўніверсітэт (да 2001 года — недзяржаўны інстытут кіравання) быў створаны ў 1991 годзе. Яго заснавальнік — доктар эканамічных навук, прафесар Мікалай Васілевіч Суша. Ён жа з’яўляецца нязменным рэктарам інстытута. Раней меў назву — Мінскі інстытут кіравання[1].

Мінскі інавацыйны ўніверсітэт
(МІУ)
Выява лагатыпа
Заснаваны 1991
Тып Прыватны
Рэктар Мікалай Васілевіч Суша
Рэктар Мікалай Васілевіч Суша
Размяшчэнне Сцяг Беларусі Беларусь, Мінск
Юрыдычны адрас 220118 Мінск, вул. Лазо, 12
Сайт miu.by

Спецыяльнасці правіць

На сённяшні дзень навучанне ва ўніверсітэце праводзіцца па наступных спецыяльнасцях[2]:

І ступень правіць

  • «Правазнаўства», кваліфікацыя — юрыст;
  • «Псіхалогія», кваліфікацыя — псіхолаг, выкладчык псіхалогіі;
  • «Сучасныя замежныя мовы (пераклад)», кваліфікацыя — лінгвіст, перакладчык (англійская і нямецкая мовы)
  • «Праграмнае забеспячэнне інфармацыйных тэхналогій», кваліфікацыя — інжынер-праграміст;
  • «Эканоміка і кіраванне на прадпрыемстве», кваліфікацыя — эканаміст-менеджар

Магістратура правіць

  • «Псіхалогія»
  • «Юрыспудэнцыя»
  • «Інфарматыка і тэхналогіі праграмавання»
  • «Эканоміка»

Аспірантура правіць

  • 08.00.05 - эканоміка і кіраванне народнай гаспадаркай (эканамічныя навукі);
  • 12.00.03 - грамадзянскае права; прадпрымальніцкае права; сямейнае права; міжнароднае прыватнае права (юрыдычныя навукі)

Дактарантура правіць

  • 08.00.05 - эканоміка і кіраванне народнай гаспадаркай (эканамічныя навукі)

Усё навучанне на платнай аснове.

Вядомыя выкладчыкі правіць

Цікавыя факты правіць

  • МІУ вядзе анлайн-рэйтынг паспяховасці студэнтаў, пачынаючы з 2 курса[3].
  • У 2002 годзе ў артыкуле газеты СБ. Беларусь сегодня, у якім журналіст Віктар Панамароў пераважна крытыкаваў прыватныя ВНУ, ён даў такую характарыстыку Мінскаму інстытуту кіравання: «А мяне ўразіў раскошны люстраны хол Мінскага інстытута кіравання. Здзівіў дызайн яго шасці карпусоў, над якімі разносілася мелодыя „Да Элізы“ Бетховена: пачатак перапынку паміж лекцыямі! Бо пачыналася ўсё з абшарпанага будынку нейкага ДК. Праз некалькі гадоў, мяркуючы па генплане, тут будзе ўнікальны студэнцкі „кампус“. Глухая ўскраіна зменіцца рашучым чынам[4].»
  • У 2016—2018 гадах у МІУ пры цэнтры дыстанцыйнага навучання атрымоўвалі вышэйшую адукацыю зняволеныя некаторых калоній Бабруйска і Гомеля[5][6].
  • На парламенцкіх выбарах 2019 года па Каліноўскай выбарчай акрузе № 108 Мінска ад БСДГ сваю кандыдатуру выстаўляў студэнт 5 курса МІУ Аляксей Караткоў[7][8][9].

Праблемы з акрэдытацыяй ў 2019—2020 гадах правіць

У 2019 годзе Міністэрства адукацыі Рэспублікі Беларусь у выніку шэрагу праверак пазбавіла МІУ акрэдытацыі па 8 спецыяльнасцях, пры гэтым студэнтам гэтых спецыяльнасцей прапанавалі давучыцца ў іншых ВНУ[10]. У адказ ВНУ падала скаргу ў пракуратуру, якая была адхілена, а студэнты правялі акцыю пратэста 11 лістапада 2019 года ў адным з будынкаў МІУ на вул. Лазо[11][12]. Рэктар універсітэта М. Суша даў некалькі інтэрв’ю, у якіх ён абвінаваціў міністра адукацыі І. В. Карпенку ў жаданні знішчыць прыватную вышэйшую адукацыю[13][14]. На гэта Мінадукацыі абвінаваціла кіраўніцтва ВНУ ў падбухторванні студэнтаў да пратэсту, прафанацыі праблемы і спробе ўхіліцца ад яе рашэння і прапанавала МІУ або адмовіцца ад гэтых спецыяльнасцей, або ліквідаваць парушэнні і прайсці паўторную акрэдытацыю[15]. Былы прарэктар МІУ і экс-міністр унутраных спраў Ю. Л. Сівакоў у інтэрв’ю «Нашай Ніве» пазітыўна выказаўся пра якасць навучання ў МІУ і агучыў гіпотэзу магчымага пазбаўлення ўніверсітэта акрэдытацыі: «Мне здаецца, што Мікалай Васільевіч [Суша] некалькі разоў выступаў адносна аптымізацыі працэсу кіравання ўстановамі адукацыі, за роўныя ўмовы і для прыватных устаноў адукацыі, і для дзяржаўных. Каб не было ніякай дыскрэдытацыі. І гэтымі сваімі словамі і дзеяннямі ён стаў крыніцай раздражнення. Мог мець месца і гэты фактар[16].» 12 лістапада 2019 года начальнік галоўнага ўпраўлення прафесійнай адукацыі Мінадукацыі Сяргей Каспяровіч сустракаўся з актывам студэнтаў МІУ, дзе зноў агучыў пазіцыю Міністэрства: ВНУ можа альбо адмовіцца ад акрэдытацыі па азначаных спецыяльнасцях, альбо выправіць памылкі і прайсці новую акрэдытацыю, а студэнтам дадуць магчымасць давучыцца ў іншых ВНУ ў любым выпадку[17]. 15 лістапада 2019 года рэктара МІУ выклікалі ў пракуратуру, дзе заявілі, што прынялі да разгляду дакументы па акрэдытацыі гэтай ВНУ і вынеслі яму папярэджанне аб недапушчальнасці парушэнняў патрабаванняў заканадаўства аб масавых мерапрыемствах, маючы на ўвазе пікет студэнтаў 11 лістапада[18].

13—18 сакавіка 2020 года МІУ зноў беспаспяхова спрабаваў прайсці акрэдытацыю, і тады большасць студэнтаў азначаных спецыяльнасцей накіравалі на атэстацыю ў Інстытут прадпрымальніцкай дзейнасці, Полацкі дзяржаўны ўніверсітэт і БІП - Інстытут правазнаўства[19][20][21].

1 ліпеня 2020 г. на агульным сходзе студэнтаў спецыяльнасці "праграмнае забеспячэнне інфармацыйных тэхналогій", навучэнцам гэтай спецыяльнасці рэктар МІУ параіў перавесціся ў БДТУ, з якім МІУ заключыў спецыяльнае пагадненне, а тым, хто застанецца падымуць аплату за навучанне. Пры гэтым, тым, хто вырашыць перавесціся, трэба будзе даплаціць больш за 1000 руб. і здаць да 17 экзаменаў акадэмічнай розніцы[22].

У красавіку 2022 года студэнты МІУ атрымалі паведамленне аб неабходнасці пераводу ў іншыя адукацыйныя ўстановы «ў сувязі з планаваным у 2024 годзе спыненнем адукацыйнай дзейнасці»[23].

Зноскі

  1. ↑ Агульная інфармацыя Архівавана 22 ліпеня 2017.//Сайт універсітэта
  2. ↑ Спецыяльнасці Архівавана 12 верасня 2021.//Сайт універсітэта
  3. ↑ Рейтинг студентов по успеваемости Архівавана 13 лістапада 2019. // Сайт МІУ
  4. ↑ Виктор ПОНОМАРЕВ Чего не дано — того в аптеке не купишь // СБ-Беларусь сегодня
  5. ↑ Получить дипломы менеджеров, экономистов и психологов первыми в стране смогли в гомельской женской колонии, опыт уже перенимают и другие ИК. // Sputnik.y
  6. ↑ Диплом в клетку, или как закончить «вышку», не покидая тюремных стен Бобруйской ИК-2 // Bobrlife.by
  7. ↑ ЕКАТЕРИНА ЦИРКУН. В Калиновском избирательном округе вручили удостоверения кандидатам в депутаты Архівавана 23 лістапада 2019. // Минск Новости
  8. ↑ Дадзеныя пра навучанне А.С. Круткова на 5 курсе МІУ - з улёткі кандыдатаў па Каліноўскай выбарчай акрузе № 108
  9. ↑ КАЛИНОВСКИЙ ИЗБИРАТЕЛЬНЫЙ ОКРУГ №108. Лица, подавшие документы для регистрации кандидатами в депутаты: Архівавана 23 лістапада 2019. // Администрация Первомайского района г.Минска
  10. ↑ Частному вузу не продлили аккредитацию по некоторым специальностям. Студенты хотят бастовать Архівавана 6 лістапада 2019. // TUT.BY
  11. ↑ «Мы заслужили дипломы». Студенты частного вуза вышли на забастовку Архівавана 11 лістапада 2019. // TUT.BY
  12. ↑ «Никто не хочет идти в ветхие корпуса государственных вузов». Вчера в частном вузе Минска бастовали студенты — мы поговорили с ними Архівавана 13 лістапада 2019. // Citydog.by
  13. ↑ А. Гарбацэвіч. Рэктар МІУ Суша адказвае на абвінавачанні: Міністр Карпенка хоча забіць недзяржаўную адукацыю // Наша Ніва
  14. ↑ Личная месть министра Карпенко? Архівавана 11 сакавіка 2020. // Белорусский партизан
  15. ↑ Требования едины и все их должны выполнять! Архівавана 12 лістапада 2019. // Афіцыйны сайт Міністэрства адукацыі РБ
  16. ↑ Бывший проректор МИУ Юрий Сиваков: Министерство образования пытается все регулировать, причем очень неуклюже // Наша Ніва
  17. ↑ «Где для 1500 студентов найдут места?» Представители Минобра встретились с бастующими студентами Архівавана 13 лістапада 2019. // TUT.BY
  18. ↑ Е. Пантелеева. Прокуратура — ректору бастующего вуза: еще один такой пикет — и привлекут к ответственности Архівавана 16 лістапада 2019. // TUT.BY
  19. ↑ Паўторная акрэдытацыя праводзілася на падставе загада Дэпартамента кантроля якасці Міністэрства адукацыі Беларусі №60-п ад 10.03.2020.
  20. ↑ Любовь Касперович. МИУ опять не прошел аккредитацию. Что будет со студентами дальше, ни вуз, ни Минобр пока не говорят Архівавана 31 мая 2020.// TUT.BY
  21. ↑ Любовь Касперович. «Подадим заявку весной». Ректор МИУ рассказал, куда переводят выпускников и что будет дальше с вузом Архівавана 22 мая 2020. // TUT.BY
  22. ↑ Любовь Касперович. Сдать до 17 предметов и заплатить до 3,5 тысячи. Студентам МИУ предлагают перевестись в другой вуз Архівавана 11 ліпеня 2020. // TUT.BY
  23. ↑ Стала вядома, дзе ўсё ж вучылася касманаўтка Марына Васілеўская . Наша Ніва (15 красавіка 2024). Праверана 17 красавіка 2024.

Спасылкі правіць

Узята з "https://be.wikipedia.org/w/index.php?title=Мінскі_інавацыйны_ўніверсітэт&oldid=4714145"