Міністэрства спорту і турызму Рэспублікі Беларусь

Міністэрства спорту і турызму Рэспублікі Беларусь (Мінспорту Беларусі) — ведамства ўраду Беларусі, упаўнаважанае парадкаваць фізічнае выхаванне. Міністр спорту і турызму прызначаецца і здымаецца з пасады прэзідэнтам. З 5 сакавіка 2018 года пасаду міністра займае Сяргей Кавальчук.

Міністэрства спорту і турызму Рэспублікі Беларусь
скарочана — Мінспорту
Эмблема Міністэрства спорту і турызму
Агульная інфармацыя
Краіна	Беларусь
Юрысдыкцыя	Беларусь
Дата стварэння	25 жніўня 1991
Вышэйшае ведамства	Савет Міністраў Рэспублікі Беларусь
Штаб-кватэра	220030, г. Мінск, вул. Кірава, 8, корп. 2
Гадавы бюджэт	182 630 796,0 рублёў (2018)
Міністр	Сяргей Кавальчук
Першы намеснік	Аляксандр Вікенцьевіч Дараховіч
Намеснікі	Аляксандр Іванавіч Баравуля Алег Яўстаф’евіч Андрэйчык
Сайт	https://www.mst.gov.by/

Кіраўніцтва

• Міністр — Сяргей Міхайлавіч Кавальчук.
• Першы намеснік Міністра — Аляксандр Вікенцьевіч Дараховіч.
• Намеснік Міністра — Аляксандр Іванавіч Баравуля.
• Намеснік Міністра — Алег Яўстаф’евіч Андрэйчык.

Структура

• Апарат — 4 упраўленні, 6 аддзелаў, дэпартамент і дырэктарат;
• упраўленні па фізічнай культуры, спорту і турызму абласцей і Мінску;
• Беларускі дзяржаўны ўніверсітэт фізічнай культуры і спорту, Рэспубліканская дзяржаўная вучэльня алімпійскага рэзерву;
• Газета «Спартыўная панарама» (руск.: «Спортивная панорама»);
• прадпрыемствы — «Белспортзабеспячэнне», «Дырэкцыя будоўлі аб’ектаў Мінспорту», «Компак», «Нацыянальныя спартыўныя латарэі», «Палац спорту», спартыўны комплекс «Стайкі» (Мінскі раён);
• музей і навукова-даследніцкі інстытут фізкультуры і спорту;
• цэнтры алімпійскай падрыхтоўкі ў — 1) адзінаборствах, 2) парусным спорце (в. Качына, Мінскі раён), 3) водналыжным спорце, 4) вяслярстве, 5) конным спорце і конегадоўлі (вёска Ратамка, Мінскі раён), 6) лёгкай атлетыцы, 7) мастацкай гімнастыцы, 8) тэнісе, 9) шахматах і шашках, 10) водных, 11) гульнявых, 12) прыкладных і 13) зімовых відах спорту (Астрашыцкі Гарадок, Мінскі раён);
• РНПЦ спорту, антыдопінгавае агенцтва, навучальна-метадычны цэнтр фізічнага выхавання насельніцтва.

Задачы

Паводле статута ведамства мае наступныя задачы:

• парадкаванне фізічнага выхавання, гульняў і падарожжаў;
• распрацоўка захадаў пашырэння фізічнага выхавання, гульняў і падарожжаў;
• правядзенне доследаў выніковасці аздараўлення насельніцтва, дзіцячых і юнацкіх гульняў, гульняў вышэйшых дасягненняў;
• узгадненне фізічнага выхавання і гульняў сярод непрацаздольных асоб;
• правядзенне гульняў і падарожжаў у Беларусі.

Паўнамоцтвы

Паводле статута міністэрства мае паўнамоцтвы на:

• ухваленне ведамаснага заканадаўства;
• падачу прапаноў аб касаванні пастановаў ведамстваў і мясцовых органаў улады супярэчных заканадаўству аб фізічным выхаванні, гульнях і падарожжах;
• прадстаўленне Ураду ў адпаведных міжведамасных міжнародных арганізацыях і заключэнне адпаведных міжнародных дамоў;
• стварэнне, ператварэнне і касаванне падпарадкаваных устаноў;
• утварэнне міжведамасных камісіяў і навуковых нарадаў;
• запыт ва ўстановах звестак;
• прыцягненне да нарадаў навуковых устаноў і спецыялістаў.

Кіраўнікі

• Уладзімір Мікалаевіч Рыжанкоў (20 лістапада 1995 года — 12 снежня 1996 года);
• Уладзімір Іосіфавіч Макейчык (13 студзеня 1997 года — 16 сакавіка 1998 года);
• Мікалай Канстанцінавіч Ананьеў (16 сакавіка 1998 года — 16 красавіка 1999 года);
• Яўген Мікалаевіч Ворсін (16 красавіка 1999 года — 23 студзеня 2003 года);
• Юрый Леанідавіч Сівакоў (23 студзеня 2003 года — 6 ліпеня 2005 года);
• Аляксандр Уладзіміравіч Грыгараў (6 ліпеня 2005 года — 26 чэрвеня 2009 года);
• Алег Леанідавіч Качан (26 чэрвеня 2009 года — 28 кастрычніка 2012 года);
• Аляксандр Ігаравіч Шамко (31 кастрычніка 2012 года — 15 лютага 2018 года);
• Сяргей Міхайлавіч Кавальчук (5 сакавіка 2018 года — цяперашні час).

Спасылкі

• Міністэрства спорту і турызму Беларусі Архівавана 2 красавіка 2018. (бел.)