Мірон Емяльянавіч Крыштафовіч

Міро́н Емялья́навіч Крыштафо́віч (18 (30) жніўня 1899 — 10 мая 1985) — удзельнік рэвалюцыйнага руху ў Заходняй Беларусі, адзін з арганізатараў партызанскага руху і антыфашысцкага падполля ў Брэсцкай вобласці.

Мірон Емяльянавіч Крыштафовіч
Сцяг Старшыня Брэсцкага аблвыканкама
1948 — 1954
Кіраўнік урада Кірыл Мазураў
Мікалай Аўхімовіч
Папярэднік Фёдар Сіляеў
Пераемнік Раман Мачульскі
Нараджэнне 18 (30) жніўня 1899
Смерць 10 мая 1985(1985-05-10) (85 гадоў)
Месца пахавання
Партыя КПЗБ1923)
Гады службы 19431944
Прыналежнасць  СССР
Род войскаў Партызаны
Бітвы Вялікая Айчынная вайна
Узнагароды
Ордэн Леніна Ордэн Кастрычніцкай Рэвалюцыі Ордэн Чырвонага Сцяга Ордэн Айчыннай вайны I ступені
Ордэн Айчыннай вайны 2 ступені Ордэн Працоўнага Чырвонага Сцяга Ордэн Працоўнага Чырвонага Сцяга

Біяграфія правіць

У 19311935 гадах навучаўся ў Камуністычным універсітэце нацыянальных меншасцяў Захаду  (руск.).

З 1923 года на падпольнай партыйнай рабоце ў Заходняй Беларусі, быў сакратаром Гродзенскага, Навагрудскага, Беластоцкага, Слонімскага і Брэсцкага партыйных камітэтаў. За рэвалюцыйную дзейнасць пераследваўся польскімі ўладамі і правёў у зняволенні пяць гадоў (19291935).

Пасля ўз’яднання БССР з Заходняй Беларуссю ў 1939 годзе працаваў у савецкіх і партыйных органах ў Пружанскім раёне.

У гады Вялікай Айчыннай вайны сакратар Пружанскага раённага антыфашысцкага камітэта, загадчык Аддзелам Брэсцкага раённага камітэта барацьбы з нямецкімі акупантамі, намеснік сакратара Брэсцкага абласнога антыфашысцкага камітэта, з 1943 года — камісар партызанскай брыгады імя П. К. Панамарэнкі.

Пасля вайны ў 1944—1947 гадах быў старшынёй Пружанскага раённага выканаўчага камітэта, у 1947—1948 гадах быў намеснікам старшыні Брэсцкага аблвыканкама, у 1948—1954 гадах — яго старшыня, а ў 1954—1961 быў першым намеснікам.

Кандыдат у члены ЦК КПБ, член ЦК КПБ у 1949—1960 гадах. Дэпутат Вярхоўнага Савета СССР у 1946—1958 гг., дэпутат Вярхоўнага Савета БССР у 1951—1955 і 1959—1963 гадах, намеснік старшыні Прэзідыума Вярхоўнага Савета БССР у 1951—1955 гадах[1].

Памёр 10 мая 1985 года. Пахаваны на Гарнізонных могілках Брэста[2].

Узнагароды правіць

Узнагароджаны ордэнам Леніна, ордэнам Кастрычніцкай Рэвалюцыі, ордэнам Чырвонага Сцяга, ордэнам Айчыннай вайны 1-й ступені, ордэнам Айчыннай вайны 2-й ступені, двума ордэнамі Працоўнага Чырвонага Сцяга, медалямі.

Ганаровы грамадзянін г. Брэста (1967)

Ушанаванне памяці правіць

У Брэсце адна з вуліц носіць імя Мірона Крыштафовіча. На доме (вул. Энгельса, 12), дзе жыў М. Е. Крыштафовіч, у 1989 годзе ўстаноўлена мемарыяльная дошка[2].

Зноскі

  1. Долготович Б. Д. Почётные граждане белорусских городов: биограф. справочник / Б. Д. Долготович. — Мн.: Беларусь, 2008. — С. 10. — 368 с. — 2 000 экз. — ISBN 978-985-01-0784-8. (руск.)
  2. а б 18 жніўня 2014 года — 115 гадоў з дня нараджэння Мірона Емяльянавіча Крыштафовіча (1899—1985), удзельніка рэвалюцыйнага руху ў Заходняй Беларусі, ганаровага грамадзяніна г. Брэста

Літаратура правіць

Спасылкі правіць