Міхал Францішак Сапега

Міхал Францішак Сапега (1670 — 19 лістапада 1700, Алькенікі) — вялікалітоўскі дзяржаўны і ваенны дзеяч. Вялікі канюшы літоўскі (з 1690).

Міхал Францішак Сапега
Michał Franciszek Sapieha
Герб «Ліс»
Вялікі канюшы літоўскі 1690 — 19 лістапада 1700
Папярэднік	Караль Станіслаў Радзівіл
Пераемнік	Якуб Генрык Флемінг
Генерал літоўскай артылерыі 1698 — 19 лістапада 1700
Папярэднік	Матэвуш Ромер
Пераемнік	Юзаф Мнішак
Нараджэнне	1670[…]
Смерць	19 лістапада 1700(1700-11-19) Алькенікі, Троцкі павет, Троцкае ваяводства, Вялікае Княства Літоўскае, Рэч Паспалітая, Польшча
Род	Сапегі
Бацька	Казімір Ян Сапега
Маці	Крысціна Барбара з Глябовічаў[d]
Жонка	няма
Дзеці	няма
Адукацыя	Браўнсбергскі езуіцкі калегіум[d]
Званне	генерал

Біяграфія

Вучыўся ў езуіцкіх калегіўмах у Варшаве і Брунсбергу (Браневе). У 1689 паступіў на службу ў аўстрыйскае войска, удзельнічаў у войнах супраць туркаў, генерал-маёр (1692). У 1696 вярнуўся у Вялікае Княства Літоўскае. Вялікі канюшы літоўскі з 1690, адначасова генерал літоўскай артылерыі з 1698, староста ашмянскі з 1699.

У 1700 атрымаў ад аўстрыйскага імператара чын генерал-лейтэнанта і тытул князя Свяшчэнай Рымскай Імперыі. Камандаваў сапегаўскімі войскамі ў вайне супраць шляхты — «рэспубліканцаў». У Алькеніцкай бітве 18 лістапада 1700 капітуляваў і быў засечаны шляхтай.

Сям’я

Паходзіў з чарэйскай лініі магнацкага роду Сапегаў, сын вялікага літоўскага гетмана Казіміра Яна і яго першай жонкі Крысціны Барбары Глябовіч. Меў братоў Ежы Станіслава і Аляксандра Паўла.

Не паспеў ажаніцца і не пакінуў нашчадкаў.

Крыніцы

• Грыцкевіч А. Сапегі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 549. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• Генеалогія магнацкіх радоў Рэчы Паспалітай Архівавана 21 верасня 2013.