Міхал Ян Пац

Міхал Ян Пац (1730 — кастрычнік 1787) — ваенны і дзяржаўны дзеяч Вялікага Княства Літоўскага. Генерал-маёр літоўскага войска (1764), генерал-лейтэнант (1766 або 1767).

Міхал Ян Пац
Michał Jan Pac
Міхал Ян Пац. Аляксандр Рослін, XVIII ст.
Герб «Газдава»
пасол на Сойм Рэчы Паспалітай[d]
староста зёлаўскі[d]
Папярэднік	Юзаф Францішак Пац
Нараджэнне	1730(1730)
Смерць	1787(1787) Ленгальсайм[d], акруга Страсбур-Кампань[d], дэпартамент Ніжні Рэйн, Эльзас, Метраполія Францыі, Францыя
Род	Пацы
Бацька	Юзаф Пац
Маці	Бальбіна з Валовічаў[d]
Член у	Барская канфедэрацыя
Дзейнасць	камергер
Званне	генерал-лейтэнант

Трымаў Зёлаўскае староства.

Біяграфія

Прадстаўнік шляхецкага роду Пацаў герба «Газдава», сын Юзафа, кашталяна жамойцкага, і Бальбіны з Валовічаў.

Набліжаны да Караля Станіслава Радзівіла «Пане Каханку», браў удзел у Радамскай канфедэрацыі. Увосень 1768 зладзіў у Навагрудку Генеральную канфедэрацыю Вялікага Княства Літоўскага як частку Барскай канфедэрацыі, удзельнічаў у баях канфедэратаў з расійскімі і каралеўскімі войскамі.

Па паразе канфедэрацыі жыў за мяжой (Славакія, Сілезія), памёр у Страсбургу.

Літаратура

• Грыцкевіч А. Пацы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 423. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• Генеалогія Пацаў Архівавана 5 кастрычніка 2013.
• Portret Michała Jana Paca (польск.). Muzeum Okręgowe w Tarnowie. Праверана 7 сакавіка 2011.(недаступная спасылка)