Міхась Яськевіч

Міхась Яськевіч (17 сакавіка 1926 — 9 чэрвеня 2002) — беларускі грамадскі дзеяч у Вялікабрытаніі.

Міхась Яськевіч
Партрэт
Род дзейнасці грамадскі дзеяч
Дата нараджэння 17 сакавіка 1926(1926-03-17)
Месца нараджэння Стаўпішчы, Нясвіжскі павет, Навагрудскае ваяводства, Польская Рэспубліка
Дата смерці 9 чэрвеня 2002(2002-06-09) (76 гадоў)
Месца смерці
Месца пахавання
Альма-матар
Член у

БіяграфіяПравіць

Нарадзіўся 17 сакавіка 1926 года у вёсцы Стаўпішчы Нясвіжскага павета Навагрудскага ваяводства ў Польскай Рэспубліцы (цяпер Нясвіжскі раён Мінскай вобласці).

У Другую сусветную вайну падчас нямецкай акупацыі скончыў два курсы настаўніцкай семінарыі. Быў курсантам Мінскай афіцэрскай школы БКА, разам з якой быў далучаны да 30-й грэнадзёрскай дывізіі пры СС. Перайшоў на бок саюзнікаў. У 19441947 гг. служыў у Другім Польскім корпусе.

У 1946 годзе разам з Другім Польскім корпусам прыбыў у Вялікабрытанію. Пасяліўся ў Манчэстэры. Ад 1 кастрычніка 1946 года быў сябрам Згуртавання беларусаў у Вялікабрытаніі, уваходзіў у аддзел у Манчэстэры, у кіраўніцтве якога шмат гадоў займаў пасаду сакратара, а часам абіраўся і на старшыню. Ад 1951 г. сябра Згуртавання беларускіх камбатантаў, кіраваў дружынай у Манчэстэры. Быў актывістам БАПЦ. У другой палове 1950-х быў старшынём Манчэстэрскага аддзела брацтва і сястрыцтва Жыровіцкай Божай Маці. У 1958—1961 гг. — настаўнік беларускай суботняй школкі ў Манчэстэры. Уваходзіў у кіраўніцтва Беларускага клуба ў Манчэстэры (сакратар). Доўгія гады быў карэспандэнтам газет «Бацькаўшчына» і «Беларус» у Манчэстэры, падпісваўся псеўданімам Міхась Стаўпіскі.

Памёр 9 чэрвеня 2002 года. Пахаваны ў Манчэстэры на Паўднёвых могілках.

СпасылкіПравіць

ЛітаратураПравіць

  • Гардзіенка Н. Беларусы ў Вялікабрытаніі / пад рэд. А. Гардзіенкі. — Мн,, 2010.
  • Запісы. Беларускі інстытут навукі і мастацтва, № 37 New York — Miensk, 2014