Міхаіл Іванавіч Быкоўскі

Міхаіл Іванавіч Быкоўскі (1919 — 1944) — удзельнік Вялікай Айчыннай вайны, камандзір стралковага батальёна 467-га стралковага палка 81-й стралковай дывізіі 61-й арміі Цэнтральнага фронту, капітан, Герой Савецкага Саюза (1944).

Міхаіл Іванавіч Быкоўскі
Михаил Иванович Быковский
Дата нараджэння	19 красавіка 1919(1919-04-19)
Месца нараджэння	Манькава-Калітвеннае[d], Манькоўскае сельскае паселішча[d], Чарткоўскі раён[d], Растоўская вобласць, СССР
Дата смерці	27 студзеня 1944(1944-01-27) (24 гады)
Месца смерці	Калінкавіцкі раён, Палеская вобласць, БССР, СССР
Месца пахавання	Калінкавічы
Грамадзянства	СССР
Прыналежнасць	СССР
Гады службы	1938—1944
Званне
Бітвы/войны	Вялікая Айчынная вайна
Узнагароды і званні

Біяграфія

Нарадзіўся 19 красавіка 1919 года ў вёсцы Манькава-Калітвеннае Чарткоўскага раёна Растоўскай вобласці ў сям'і служачага. Рускі.

Скончыў Растоўскі аўтадарожны тэхнікум.

У Чырвонай Арміі з 1938 года. У 1940 годзе скончыў 1-е Арджанікідзэўскае ваеннае пяхотнае вучылішча. Удзельнік Вялікай Айчыннай вайны з чэрвеня 1941 года. Кандыдат у члены ВКП(б).

1 кастрычніка 1943 года пад шквальным агнём праціўніка даручаны капітану Быкоўскаму батальён адным з першых пераправіўся на правы дняпроўскі бераг, выбіў ворага з займаных пазіцый, замацаваўся на плацдарме і за трое сутак адбіў пяць контратак гітлераўцаў, забяспечыўшы пераправу іншых падраздзяленняў 467-га стралковага палка.

Загінуў смерцю храбрых у баі 27 студзеня 1944 года ў раёне горада Калінкавічы Гомельскай вобласці, вызваленым ад гітлераўскіх акупантаў 14 студзеня 1944 года.

Пахаваны ў брацкай магіле ў Калінкавічах.

Памяць

• У Калінкавічах імем Міхаіла Быкоўскага названая вуліца і ўстаноўлена мемарыяльная дошка.
• На будынку Растоўскага аўтадарожнага тэхнікума ў памяць аб Героі ўстаноўлена мемарыяльная дошка.
• Мемарыяльная дошка ў памяць аб Быкоўскім ўстаноўлена Расійскім ваенна-гістарычным таварыствам на будынку Манькаўскай сярэдняй школы, дзе ён вучыўся, яго імя прысвоена гэтай школе.

Узнагароды

• Указам Прэзідыума Вярхоўнага Савета СССР ад 15 студзеня 1944 года за паспяховае камандаванне стралковым батальёнам, узорнае выкананне баявых заданняў камандавання на фронце барацьбы з нямецка-фашысцкімі захопнікамі і праяўленыя пры гэтым мужнасць і гераізм капітану Быкоўскаму Міхаілу Іванавічу прысвоена званне Героя Савецкага Саюза.
• Узнагароджаны ордэнам Леніна, двума ордэнамі Айчыннай вайны 2-й ступені, медалямі.

Спасылкі

Міхаіл Іванавіч Быкоўскі на сайце «Героі краіны»

• ГЕРОИ СОВЕТСКОГО СОЮЗА  — УРОЖЕНЦЫ ДОНА Архівавана 28 студзеня 2012.