Міхаіл Аркадзевіч Лісіцын

Міхаіл Аркадзевіч (Майсей Айзікавіч) Лісіцын (2 ліпеня 1920, Віцебск — 2004) — беларускі музыкант, дырыжор, педагог. Заслужаны работнік культуры Беларусі (1972).

Міхаіл Аркадзевіч Лісіцын
Дата нараджэння	2 ліпеня 1920(1920-07-02)
Месца нараджэння	Віцебск, Віцебская губерня, РСФСР
Дата смерці	2004(2004)
Краіна	Беларусь
Альма-матар	Беларуская дзяржаўная кансерваторыя імя А. В. Луначарскага (1951)
Месца працы	Дзяржаўны акадэмічны народны аркестр Рэспублікі Беларусь імя Іосіфа Жыновіча Нацыянальная дзяржаўная тэлерадыёкампанія Рэспублікі Беларусь БДПУ
Музычная дзейнасць
Прафесіі	музыкант, дырыжор, педагог
Узнагароды

Біяграфія

Скончыў Беларускую кансерваторыю (1951). З 1946 г. артыст Дзяржаўнага народнага аркестра Беларусі, у 1948—1963 гг. — секстэта домбраў Беларускага радыё і тэлебачання. У 1963—1992 гг. выкладаў у Мінскім педагагічным інстытуце. Кіраўнік аркестраў, у тым ліку народнага аркестра народных інструментаў БДУ (1953—1980).

Аўтар аранжыровак для аркестра народных інструментаў твораў музычнай класікі беларускіх кампазітараў (у тым ліку галоп, вальс і танец з оперы «Калючая ружа» Ю. Семянякі, «Палеская сюіта» Я. Глебава, «Святочная ўверцюра» А. Багатырова, «Мой родны кут» І. Лучанка, «Кадрыль» Я. Цікоцкага, «Полька» М. Чуркіна).

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі

• Лисицын, Михаил Аркадьевич (1920—2004)(недаступная спасылка) // Нацыянальная бібліятэка Беларусі