Міхаіл Канстанцінавіч Сеўрук

Міхаіл Канстанцінавіч Се́ўрук[2] (27 лютага 1905, Варшава14 сакавіка 1979, Нясвіж) — беларускі мастак і графік.

Міхась Сеўрук
Фатаграфія
Міхаіл Сеўрук. «Аутапартрэт». 1938
Імя пры нараджэнні Міхаіл Канстанцінавіч Сеўрук
Дата нараджэння 27 лютага 1905(1905-02-27)
Месца нараджэння
Дата смерці 14 сакавіка 1979(1979-03-14) (74 гады)
Месца смерці
Месца пахавання
Грамадзянства
Род дзейнасці мастак
Жанр жанравы жывапіс
Вучоба
Commons-logo.svg Працы на Вікісховішчы[1]

БіяграфіяПравіць

 
Марка з працай «Жніво» (1937), выдадзеная ў 2005 годзе

Нарадзіўся ў сям'і чыгуначніка. Разам з бацькамі жыў у Брэсце, Маскве, Снове. Пасля заканчэння Нясвіжскай гімназіі ў 1927 годзе з'ехаў у Вільню. Скончыў мастацкі факультэт Віленскага Універсітэта імя Стэфана Баторыя ў 1932 годзе.

У выставах пачаў удзельнічаць з 1937 года. Пад час пражывання ў Вільні заснаваў Віленскае таварыства мастакоў[3]. Сябраваў з Пётрам Сергіевічам[4].

З 1939 жыў у Нясвіжы. У пасляваенны час выкладаў маляванне і чарчэнне ў агульнаадукацыйнай школе, кіраваў мастацкай студыяй пры Доме культуры.

Сябра Саюза мастакоў БССР з 1946 г.

Памёр у Нясвіжы. Пахаваны на мясцовых могілках.

ТворчасцьПравіць

Пачатковым працам характэрны рысы рамантызму. Больш познія работы адрозніваюцца народнасцю вобразаў. Сярод мастацкіх прац: тэматычныя жывапісныя кампазіцыі «На ўборцы буракоў» (1936), «Жніво» (1937), «Новы дом» (1968), графічныя творы «Віленская Alma mater» (1937) і інш.

Разам з Я. Драздовічам, П. Сергіевічам, Я. Горыдам аздабляў заходнебеларускія выданні. Аўтар вокладак зборнікаў вершаў Максіма Танка «На этапах» (1936) і песень Рыгора Шырмы «Наша песня» (1938).

Працы Сеўрука захоўваюцца ў Нацыянальным мастацкім музеі, музеях Вільні, квартэры-музеі, а таксама ў фондах Нясвіжскага гісторыка-краязнаўчага музея (1114 работ)[4].

ПамяцьПравіць

  Вонкавыя выявы
Работы Міхася Сеўрука
  «Жняя»
  «Старыя хаты над Віленкай»
  «Жніво»
  «Дзяўчаты»
  «На сенажаці»
  «Групавы партрэт дзяцей»
  «Аўтапартрэт»

Зноскі

  1. (unspecified title) Праверана 22 снежня 2017.
  2. Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш.. — Мн.: БелЭн, 2002. — Т. 14. — С. 357. — 512 с. — 10 000 экз. — ISBN 985-11-0238-5 (Т. 14).
  3. Міхась Сеўрук
  4. 4,0 4,1 Он рисовал людей труда // Таямніцы Нясвіжа

ЛітаратураПравіць

  • Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 357
  • Міхаіл Сеўрук. Жывапіс. Графіка. Альбом / складальнік і караўнік праекта М. Н. Канавалаў. — Мн .: Паліграфкамбінат, 2012. — 102 с. — 1 025 экз. — ISBN 978-985-6791-69-0.
  • Гваздзёў С. Міхаіл Сеўрук: Мастак з Божай міласці. — Мн .: Харвест, 2015. — 64 с. — (100 выдатных дзеячоў беларускай культуры). — 1 000 экз. — ISBN 978-985-18-3705-8.

СпасылкіПравіць