Міхаіл Мікітавіч Дойлін

Міхаіл Мікітавіч Дойлін (нар. 15 мая 1916, в. Свяча, Віцебская губерня — 18 чэрвеня 1983) — савецкі дзяржаўны і партыйны дзеяч.

Міхаіл Мікітавіч Дойлін
Нараджэнне	15 мая 1916(1916-05-15) Свяча, Бешанковіцкі сельсавет, Бешанковіцкі раён, Беларусь
Смерць	18 чэрвеня 1983(1983-06-18) (67 гадоў)
Партыя	КПСС
Узнагароды

Біаграфія

У 1935 годзе працаваў шафёрам, потым служыў у Чырвонай Арміі. З 1940 года на партыйнай рабоце: інструктар, загадчык аддзела прапаганды і агітацыі Баляхоўскага райкама кампартыі Украіны. У гады Вялікай Айчыннай вайны начальнік штаба стралковага палка, быў цяжка паранены. З 1945 года на партыйнай і гаспадарчай рабоце: сакратар Сенненскага, потым другі і першы сакратар Коханаўскага райкамаў КПБ. У 1956—1958 гадах першы сакратар Лёзненскага райкама партыі, узначальваў упраўленне Дзяржстраха па Віцебскай вобласці, з 1960 года працаваў інжынерам у абласным аўтатранспартным упраўленні.

Выбіраўся дэпутатам Вярхоўнага Савета БССР, членам Рэвізійнай камісіі КП Беларусі, членам абкама КПБ.

Узнагароды

• ордэн Айчыннай вайны II ступені
• Ордэн Працоўнага Чырвонага Сцяга
• ордэн «Знак Пашаны»

Літаратура

• Міхаіл Мікітавіч Дойлін // Памяць: гісторыка-дакументальная хроніка Бешанковіцкага раёна / рэдкал.: І. П. Шамякін (гал. рэд.) [і інш.]. — Мінск : БелСЭ імя П. Броўкі, 1991. — С. 411.