Міхаіл Міхайлавіч Пікулік
Міхаіл Міхайлавіч Пікулік (19 красавіка 1948, Чэрвень (горад) Мінскай вобласці — 24 студзеня 2006) — беларускі вучоны ў галіне заалогіі і экалогіі. Член-карэспандэнт Нацыянальнай АН Беларусі (1994), доктар біялагічных навук (1993).
| Міхаіл Міхайлавіч Пікулік | |
|---|---|
| Дата нараджэння | 19 красавіка 1948 |
| Месца нараджэння | |
| Дата смерці | 24 студзеня 2006 (57 гадоў) |
| Род дзейнасці | заолаг |
| Навуковая сфера | заалогія і экалогія |
| Месца працы | |
| Навуковая ступень | доктар біялагічных навук (1993) |
| Навуковае званне | |
| Альма-матар | |
Біяграфія правіць
Скончыў Мінскі педагагічны інстытут (1971). З 1976 года ў Інстытуце заалогіі Нацыянальнай АН Беларусі (з 1985 года намеснік дырэктара, з 1995 года дырэктар), адначасова з 1997 года ў Беларускім педагагічным універсітэце, загадчык кафедры, прафесар (1998).
Навуковая дзейнасць правіць
Навуковыя працы па герпеталогіі, ландшафтнай экалогіі жывёл, унутрывідавой зменлівасці, біягеацэналогіі, праблемах аховы і рацыянальнага выкарыстання біялагічнай разнастайнасці. Распрацаваў асноўныя палажэнні ландшафтнай герпеталогіі, абгрунтаваў новыя падыходы да комплекснага выкарыстання герпетафауны ў экалагічным маніторынгу. Правёў даследаванні па дынаміцы фауны і стане зоацэнозаў у прыродных і антрапагенных ландшафтах Беларусі, выяўленні ролі мазаічнасці ландшафтаў і рознатыповых экатонаў, наступстваў аварыі на Чарнобыльскай АЭС у фарміраванні біялагічнай разнастайнасці дзікай фауны.
Выбраная бібліяграфія правіць
- Земноводные Белоруссии. Мн., 1985;
- Пресмыкающиеся Белоруссии. Мн., 1988 (разам з В. Бахаравым, С. Косавым);
- Совершенствование принципов и методов охраны и рационального использования животного мира. Мн., 1990 (разам з Л. Сушчэнем);
- Навошта нам амфібіі? Мн.: Навука і тэхніка, 1992. ISBN 5-343-00383-4;
- Животный мир в зоне аварии Чернобыльской АЭС. Мн., 1995 (у сааўт.);
- Атлас наземных пазваночных. Мн., 1996 (у сааўт.).
Спасылкі правіць
- Міхаіл Міхайлавіч Пікулік у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)