Міхаіл Міхайлавіч Хвастоў

Міхаі́л Міха́йлавіч Хвастоў (нар. 27 чэрвеня 1949, Казлоўшчына, Віцебская вобласць, БССР) — беларускі дзяржаўны дзеяч і дыпламат. Міністр замежных спраў Беларусі з 27 лістапада 2000 года па 21 сакавіка 2003 года.

Міхаіл Хвастоў
Міністр замежных спраў Рэспублікі Беларусь
27 лістапада 2000 — 21 сакавіка 2003
Прэзідэнт Аляксандр Лукашэнка
Кіраўнік урада Уладзімір Ярмошын
Генадзь Навіцкі
Папярэднік Урал Латыпаў
Пераемнік Сяргей Мартынаў
Надзвычайны і Паўнамоцны Пасол Рэспублікі Беларусь у Злучаных Штатах Амерыкі
21 сакавіка 2003 — 4 чэрвеня 2009
Прэзідэнт Аляксандр Лукашэнка
Папярэднік Валерый Цапкала
Нараджэнне 27 чэрвеня 1949(1949-06-27) (74 гады)
Адукацыя
Дзейнасць дыпламат, дзяржаўны дзеяч, суддзя
Узнагароды
ордэн Пашаны юбілейны медаль «100 год дыпламатычнай службе Беларусі»

Ранняе жыццё правіць

Нарадзіўся 27 чэрвеня 1949 года ў вёсцы Казлоўшчына Глыбоцкага (цяпер Пастаўскага) раёна Віцебскай вобласці. Скончыў Мінскі дзяржаўны педагагічны інстытут замежных моў (1975), Беларускі дзяржаўны ўніверсітэт (1989) — перакладчык-рэферэнт французскай і англійскай моў, юрыст.

Працоўную дзейнасць пачынаў рабочым саўгаса «Гарадоцкі» Віцебскай вобласці. Служыў у Савецкай арміі. У 1975—1982 гг. — кансультант, старшы кансультант Гандлёва-прамысловай палаты БССР. З 1982 года перайшоў на працу ў Міністэрства замежных спраў БССР.

Кар’ера ў МЗС Беларусі правіць

  • 1982—1991 — трэці, другі сакратар, намеснік начальніка аддзела МЗС БССР.
  • 1991—1992 — першы сакратар Пастаяннага прадстаўніцтва Беларусі пры ААН.
  • 1992—1993 — першы сакратар пасольства Беларусі ў ЗША.
  • 1993—1994 — начальнік аддзела, начальнік упраўлення МЗС Беларусі.
  • 1994—1997 — намеснік міністра замежных спраў Беларусі.
  • 1997—2000 — надзвычайны і паўнамоцны пасол Беларусі ў Канадзе, пастаянны прадстаўнік Беларусі пры Міжнароднай арганізацыі грамадзянскай авіяцыі.
  • 11 жніўня па 27 лістапада 2000 — памочнік прэзідэнта Беларусі.
  • 27 лістапада 2000 года прызначаны намеснікам прэм’ер-міністра Беларусі — міністрам замежных спраў Беларусі.
  • 24 верасня 2001 года прызначаны міністрам замежных спраў Беларусі.
  • 2003—2009 — надзвычайны і паўнамоцны пасол Беларусі ў Злучаных Штатах Амерыкі, у Мексіканскіх Злучаных Штатах па сумяшчальніцтве.
  • з 4 чэрвеня 2009 па 22 жніўня 2015 — пастаянны прадстаўнік Беларусі пры аддзяленні Арганізацыі Аб’яднаных Нацый і іншых міжнародных арганізацыях у Жэневе[1].

Асабістае правіць

Жанаты, мае дваіх дзяцей.

Заўвагі правіць