Міхаіл Яўгенавіч Лусцянкоў

Міхаіл Яўгенавіч Лусцянкоў (21 жніўня 1974, г. Магілёў) — беларускі спецыяліст у галіне машыназнаўства, сістэм прывадаў і дэталей машын. Доктар тэхнічных навук (2015), дацэнт (спецыяльнасць «Механіка», 2003), прафесар (2017).

Міхаіл Яўгенавіч Лусцянкоў
Дата нараджэння	21 жніўня 1974(1974-08-21) (50 гадоў)
Месца нараджэння	Магілёў, Магілёўская вобласць, БССР, СССР
Грамадзянства	Беларусь
Род дзейнасці	выкладчык універсітэта
Месца працы	Беларуска-Расійскі ўніверсітэт Аўтамеханічны факультэт Беларуска-Расійскага ўніверсітэта
Навуковая ступень	доктар тэхнічных навук (2015)
Навуковае званне	прафесар
Альма-матар	Магілёўскі машынабудаўнічы інстытут (1997)

Біяграфія

Скончыў Магілёўскі машынабудаўнічы інстытут (спецыяльнасць «Тэхналогія машынабудавання, металарэзныя станкі і інструменты», кваліфікацыя «Інжынер-механік-менеджар», 1997), Магілёўскі дзяржаўны тэхнічны ўніверсітэт (аспірантура, 2000).

Выкладае ў Беларуска-Расійскім ўніверсітэце (з 2000, аўтамеханічны факультэт, кафедра «Асновы праектавання машын», прафесар, з 2011 — першы прарэктар, з 2019 — рэктар).

Навуковыя інтарэсы: даследаванні механічных перадач; перадачы з прамежкавымі целамі качэння; прывады.