Міхел Коксі

Міхел (Міхіль) Коксі (нідэрл.: Michiel Coxcie, 5 сакавіка 1499, Мехелен — 10 сакавіка 1592, Мехелен) — фламандскі мастак эпохі позняга Адраджэння.

Міхел Коксі
Дата нараджэння	14 сакавіка 1499
Месца нараджэння	Mechelen[d], Мехелен, Lordship of Mechelen[d], Бельгія
Дата смерці	3 сакавіка 1592(1592-03-03) (92 гады)
Месца смерці	Mechelen[d], Wittem[d], Лімбург, Нідэрланды, Каралеўства Нідэрландаў
Грамадзянства	Паўднёвыя Нідэрланды
Дзеці	Raphael Coxie[d] і Michiel Coxie (II)[d]
Род дзейнасці	мастак, дзеяч выяўленчага мастацтва, дызайнер
Мастацкі кірунак	Паўночнае Адраджэнне[d]
Медыяфайлы на Вікісховішчы

Жыццё і творчасць

Быў вучнем мастака Бернарта ван Орлея, які парэкамендаваў яму працягнуць навучанне ў Італіі. Міхел Коксі ў перыяд з 1530 па 1539 год жыў і працаваў у Рыме. Вярнуўшыся на радзіму, ён у 1539 годзе становіцца членам прафесійнага аб’яднання мастакоў — гільдыі святога Лукі. Да 1542 года ён пераязджае ў Брусель, а з 1546 года служыць прыдворным мастаком каралевы Венгрыі і Чэхіі Марыі Венгерскай.

Міхел Коксі быў вельмі пладавітым мастаком. Ён пісаў партрэты і фрэскі, творы біблейскай і гістарычнай тэматыкі, ствараў на дошках карціны для цэркваў (напрыклад, для мехеленскага Сабора Святога Румольда і брусельскага Сабора Святых Міхаіла і Гудулы). Да гэтага часу вядомы як таленавіты капііст карцін пэндзля Рагіра ван дэр Вейдэна і Яна ван Эйка.