Міхнаўшчына

Мі́хнаўшчына^[1] (трансліт.: Michnaŭščyna, руск.: Михновщина) — вёска ў Баранавіцкім раёне Брэсцкай вобласці. Уваходзіць у склад Сталовіцкага сельсавета. Размешчана за 20 км на поўнач ад Баранавіч, за 20 км ад чыгуначнай станцыі Баранавічы. Насельніцтва 11 жыхароў, 6 гаспадарак (2005).

Гісторыя правіць

Паводле перапісу 1897 годзе ў Гарадзішчанскай воласці Навагрудскага павета Мінскай губерні. Побач з вёскай знаходзіўся аднайменны маёнтак — уладанне Хмялеўскіх. У 1909 годзе каля вёскі існавалі 2 маёнткі з назвай Міхнаўшчына (належалі Хмялеўскім).

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. Да Міхнаўшчыны далучана суседняя в. Нячэхі.

Да 2013 года вёска ўваходзіла ў склад Мядзеневіцкага сельсавета^[2].

XIX стагоддзе:
- 1897 — 14 двароў, 50 жыхароў, у маёнтку — 1 двор, 13 жыхароў.
XX стагоддзе:
- 1909 — 21 двор, 83 жыхары, у 2 маёнтках — 2 двары, 6 жыхароў.
- 1921 — 9 двароў, 39 жыхароў.
- 1939 — 110 жыхароў.
- 1959 — 102 жыхары.
- 1998 — 15 двароў, 13 жыхароў.
XXI стагоддзе:
- 2005 — 11 жыхароў, 6 гаспадарак.

Мечыслаў Іванавіч Данількевіч (1935—2008) — беларускі фізік. Доктар фізіка-матэматычных навук (1991), прафесар (1993).

Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.